嘉嘉♥葵芳黑夜食市

嘉嘉♥葵芳黑夜食市

相關信用卡:

嘉嘉♥葵芳黑夜食市

發表日期: 2014 年 09 月 30 日 更新日期: 2014 年 09 月 30 日 購物

作者:艾力嘉

香港經常都會舉行各類大大小小嘅美食節,都會吸引到唔少人入場,除咗掃特平食品同食材,最主要當然係因為香港人為食啦XD。最近葵芳新都會廣場由而家至10月26號搞緊「Dating in the Dark」夜市,除咗商場入面嘅食肆會有折扣,仲有好多特色美食喺唔同日子供應。


喺「名饌館」會由唔同食肆提供甜品美食,以「顛覆主題」創製咗好多得意嘅甜!品!例如唔飲得但食得嘅「啤酒」、盆栽甜品。逢星期五、六、日喺音樂噴泉嘅夜市派對,亦有生蠔、巴馬火腿、素漢堡包等等,邊飲邊食都幾熱鬧㗎。另外仲有「BBQ甜品自助盛宴」,憑兩張即日單據滿$600以上,就可以換入場券一張,歎盡酒店廚師炮製嘅燒烤同甜!品!咁多甜品,想引死人咩@@!

Parma Ham都係嘉嘉至愛~

去新都會廣場用銀聯卡會有著數,而由即日起至11月16號,去新鴻基地產旗下商場 (包括新都會廣場),消費満$3,000,就有$100新地商場現金券一張。另外用電子貨幣 (信用卡、EPS、八達通) 消費滿指定金額,就可以儲iFood Cash「饌」賞錢電子印花,儲夠就可以換餐飲禮券。如果係星期五去,我就寧願用匯豐信用卡去賺「最紅自主獎賞」同「最紅星期五」11X「獎賞錢」喇,不過唔知「名饌館」同夜市派對呢啲臨時攤位當唔當食肆呢?星期六、日就用富邦卡,簽滿$300賺2X積分。