更新日期: 2014 年 07 月 14 日
記得細個嗰陣玩「他媽哥池」,成日都掛餵佢食嘢氹佢開心,辛辛苦苦湊大佢,有一次唔小心跌爛咗,喊咗成日>_<。而家喺手機上面都有好多呢類養寵物遊戲,多數都係養貓、養狗、養魚,冇咩特別。不過《Mushroom Garden》就吸引到我,佢係玩種菇菇,要淋水除霉菌,種好要收割,要儲齊咁多種菇菇。其實打機我就一般,最主要係因為菇菇方吉個樣真係好萌好可愛~^_^!呢隻Game好受歡迎,出咗好多週邊產品,好似公仔、文具、T-Shirt,袋,最近仲係東京開咗專門店,好想去掃貨呀~!