嘉嘉♥秋風起 大閘蟹肥

秋風起。除咗三蛇肥，大閘蟹都肥。嘉嘉屋企人非常之咁鍾意食大閘蟹，成日話咩「九月圓臍十月尖」、又話咩「青背、白肚、黄毛、金爪」，又話要墜手，蟹公啲膏香啲，蟹乸啲膏實啲，好似好有研究咁。其實對於嘉嘉呢個非大閘蟹精嚟講，頂多都係食一隻半隻，用咩口訣揀蟹都冇乜所謂 (因為唔係我負責揀)，好食就得啦^.^。

見到中銀有個五豐行大閘蟹禮券優惠，用88折 ($1,038) 買2.5公斤大閘蟹一籮 (13隻公蟹)，免費送蟹醋一樽同配料一包、同埋免費送貨。由9月15號至11月28號開始賣，10月1號至11月30號換領，正好十月食蟹公 (扮下專家先XD)，整返張孝敬下爹哋媽咪都好。另外仲有積分價錢換禮券套裝，除咗有蟹，仲有花雕酒送，對於呢啲要動用積分嘅，就唔多啱使喇。