嘉嘉♥甜蜜七夕

而家除咗2月14號情人節，啲人仲興過3月14白色情人節，仲有我哋中國人正月十五嘅元宵節，同埋七月初七嘅七夕節。其實咁多個情人節，都係商家力推嚟增加商機啫，男士們，辛苦晒喇XD。今年嘅七夕係8月2號，咁啱又係星期六，情侶們可以輕輕鬆鬆去拍拖啦，夜晚除咗去曬月光，仲可以望上天睇下見唔見到牛郎星同織女星呢。

雖然香港人對七夕唔似得對2月14號咁重視，但係亦可以同男朋友仔或者女朋友仔去食餐飯，或者送啲小禮物俾對方，當係情趣嘛。如果你係屯門友，可以去下屯門市廣場，佢夾agnès b. DÉLICES做緊Promotion，喺兩間鋪頭用電子貨幣 (Visa、MasterCard、八達通、易辦事) 消費累積滿$3,000就送agnès b. DÉLICES朱古力曲奇餅乾一盒，等你同佢可以甜甜蜜蜜。不過數量得200份，送完就冇喇，可能要七夕之前去消費先換得到。