嘉嘉♥澳門睇Show

嘉嘉♥澳門睇Show

相關信用卡:

嘉嘉♥澳門睇Show

發表日期: 2014 年 07 月 15 日 更新日期: 2014 年 07 月 15 日 旅遊

作者:艾力嘉

近年好多大型國際酒店同娛樂集團進駐澳門,為咗吸引遊客,經常舉辦好多大型表演,當中有唔少仲係國際級數,令澳門除咗賭,飲飲食食之外,仲多咗好多Show睇,我哋香港人就可以近近地都可以睇到啦。

而家澳門最出名嘅Show就梗係大型綜藝表演,例如《水舞間》,《TABOO色惑》呢類歌舞劇,相信大家可能都有睇過。除咗呢啲,時不時都會有魔術、馬戲團、雜技等等,例如下個月魔術大師Franz Harary就喺新濠天地澳門君悅酒店搞《驚世魔術匯演2014》,上年佢同我哋嘅薛凱琪合演咗一幕驚險嘅逃生魔法表演,今年Franz Harary會聯同另外三位魔術師匯演,應該會好精彩。另外仲有《Nitro Circus玩命特技現場秀》馬戲雜技表現。


唔知今次玩咩花臣呢?

好多歌星都會去澳門開演唱會,例如Lady Gaga、Super Junior,同埋好多中、港、台歌星都會過去開幾場。呢兩個月就有「左麟右李」、李宗盛、C AllStar、Mr.。

「左麟右李」~

除咗一年一度嘅賽車,澳門亦相當多拳擊同埋格鬥Show。例如今個星期嘅《皇者之戰》香港嘅職業拳手曹星如都有份出場,不過呢類打打殺殺嘅我就興趣不大喇。

《皇者之戰》香港嘅職業拳手曹星如。格鬥類都係啱男士們多啲。

去澳門睇Show,可以買酒店船飛套票,睇完Show可以Hea一晚先返。有啲Show亦都有門票加酒店或船飛套票,一次過訂晒,唔使煩。當然,最簡單就係買定來回船飛,睇完就返香港。