嘉嘉♥淘寶之二:究竟點樣淘?

嘉嘉♥淘寶之二:究竟點樣淘?

相關信用卡:

嘉嘉♥淘寶之二:究竟點樣淘?

發表日期: 2014 年 02 月 25 日 更新日期: 2014 年 02 月 25 日 購物

作者:艾力嘉

上個星期,淘寶發生左革命性既改變!千諗萬諗都諗唔到淘寶竟然crossover八達通!用八達通可以淘寶聽落咁方便,睇來嘉嘉份糧都只能夠賺錢買花戴嗱…為左要大大咁「淘毒」你地既心(即話拉埋你地落水lol),我決定要一連開幾個post教大家點比錢!哼哼!誓要同你地淘個天荒地老,至死不渝!

點用7-11支付寶充值比淘寶?


  1. 去7-11話要買支付寶充值咭,比錢後佢會比兩張單你。一張係收據,上面印有序號和密碼。大家記得拎呢張單呀,無拎就咩都無咖嗱LOL!
  2. 登入您的支付寶,按「更多」,然後按預付咭的 「0」 字,就可以新增充值
  3. 再揀「添加預付咭」,然後輸入單上面既序號同密碼。之後就會見到RMB$100元充值咭已經添加左
係您比錢時見到「可以使用支付寶咭」,就代表你用到充值卡比錢嗱。容易還容易,但要特登去7-11幫支付寶充值都幾煩,唔夠方便,所以嘉嘉好少用呢個方法比錢。

點用PPS 繳費靈比淘寶?

  1. 揀完寶貝後按確認購買
  2. 跳到俾錢個版,信用卡個度中間就有 PPS 選項
  3. 輸入網上PPS 8位數字户口號碼及網上密碼
  4. 輸入一次性手機接收既密碼,按繼續就完成

PPS 繳費靈既付款方法同信用卡差唔多簡單,匯率會根據當日人民幣兌換港幣,唔好既就係需要額外繳付 1.5% 手續費。而且PPS繳費靈比錢係有限額咖,如果賣家無開通「信用卡大額支付功能」,買家只享受小額支付限額RMB500元/筆/日;相反買家既支付限額可以達到RMB1600元/筆/日。

點用「八達通x支付寶」淘寶?


  1. 要用支援 NFC 的智能電話下載「八達通」隻 app
    註:登記你既八達通,要選擇「查閱及網上付款」然後進入「網上付款」功能
  2. 八達通登記後24 小時後先用到網上付款功能咖~
  3. 揀完你要淘既寶貝後進入支付寶付款平台,揀「八達通」付款
  4. 畫面會出現一個QR Code同一個付款編號,係八達通app輸入付款編號或者scan QR Code。再係下方勾選方格,再點選「同意並繼續」
  5. 拎張八達通出來,在 NFC 接觸位輕"doooouet"一下
  6. 付款完成!大家會睇到「八達通付款成功」的字樣,咁就搞掂嗱!
我覺得咁多個方法入面八達通比錢實在係比其他方法更要方便,而且唔需要手續費喎,正正。但係諗落如果要買多過我八達通餘額既金額既話,咪又係要滾去7仔入錢=_= 好在嘉嘉小小醒(嗱!我無扮代表咖,淨係分享咋),申請左張信用卡八達通!woohoo~比錢問題自然迎刃而解啦yeah!乜野係信用卡八達通,咁你就要睇番我之前寫既:嘉嘉方便之選: 八達通Citibank信用卡♥啦!

仲有嘉嘉會親身示範用八達通淘寶,將會新鮮滾熱辣咁post上來!大家記住緊貼網站update嗱!

----------------------------------------
對上一篇小小既補充

「誰可以做到不失一分走過每一天 誰走到盡處真的終於走到你志願」… 因為嘉嘉既粗心大意,再加上有少少唔夠清晰既指引,我…我對唔住大家>_<

希望呢個表會清晰d比大家睇到手續費收費表。原來只要一揀左用信用卡付款,無論你係邊間銀行都好,就要比3%既手續費。相反,你選擇快捷支付既話,只要係用個同淘寶有合作既銀行就淨係收低至1.5%既手續費。


多謝各位指出小妹既不足,嘉嘉會繼續努力咖嗱!ush!