嘉嘉♥淘寶之三:小試牛刀八達通!

嘉嘉♥淘寶之三:小試牛刀八達通!

相關信用卡:

嘉嘉♥淘寶之三:小試牛刀八達通!

發表日期: 2014 年 03 月 10 日 更新日期: 2014 年 03 月 10 日 購物

作者:艾力嘉

淘寶咁正咁多野睇,唔好話24個鐘,你比240個鐘我我都可以不停咁睇睇睇買買買。本身淨係諗住睇下鞋,點知睇睇下又睇左衫,睇完衫又唔小心左撳左入家庭物品個度睇喎…唉…早排淘寶宣佈左八達通都可以係淘寶比錢後,我就已經知道大鑊了,從此比錢咁方便,今次仲唔淘到天荒地老?嘉嘉要小試牛刀試用八達通淘下寶貝先,比個藉口我啦哈哈!

1. 首先,當然要有八達通同一部有NFC功能既電話啦!



2. 係部電話後面拍一下,感應到後登記八達通資料(如果係信用卡八達通,唔好輸入信用卡號碼,而係信用卡背面既八達通號碼)。記住登記後24個鐘後先可以比到錢。嘉嘉我早一日已經登記左,所以今次比錢無難度!


3. 係呢個時候電話就會出左呢一頁。


4. 係電腦頁面進入付款頁面後,選擇用八達通比錢。再按下一步。




5. 然後就會出左呢個QR Code. 用電話掃瞄左佢。





6. 掃瞄左QR Code後就會出左呢一頁。剔「我已閱讀…」再按「同意並繼續」咁就差唔多搞掂了。



7. 係呢個時候就去到神聖既一刻——嘟卡!個一下我心入面有無限興奮因為真係「嘟」左一聲…哈哈好正!


8. 嘟完就付款成功嗱yeahyeah!


呢度有幾點八達通淘寶既注意事項想要提提你:
  1. 下載「八達通」app後,記得即時登記你既八達通呀,因為佢要等24個鐘先可以比錢的。
  2. 每次八達通交易金額最高係HKD1,000,同時會收取1.5%手續費。
  3. 八達通每日可以係無限次增值的;但信用卡八達通既用戶無論你選取每次自動增值額係 $150、$250 定 $500,每日只可自動增值一次。
  4. 港幣兌換人民幣既匯率係跟隨支付寶既匯率而定的。
  5. 八達通付款功能暫時淨係支援桌面版淘寶網,手機版暫時仲未得。
  6. 如果要退貨,所退既金額係會退入你支付寶戶口,而並非你既信用卡戶口。