小學個陣好鍾意參加生日會,因為可以一次過食勁多蛋糕(肥!)!大個左有次同朋友仔整蛋糕,唧忌廉落蛋糕時抵不住忌廉的誘惑,非常唔怕死咁唧左d cream落個口度LOL(救命!)。但講真市面上既蛋糕一d都唔平,閒閒地都要百幾二百蚊個,所以我會盡我最大既能力去格價,務求買到幾平得幾平!
美心西餅
美心除左有普通既忌廉蛋糕外,出名既有脆脆系列、天使魔鬼系列同彩虹系列。天使蛋糕絕對係我既至至至至至愛,我鍾意佢唔係好甜,仲要入口即溶,正正。近期出既Mickey Mouse系列都好可愛,但Office有排都未有人生日唉/_。唔緊要,至抵精明眼都可以出動先既!
聖安娜
一講聖安娜會諗起咩?一定係陳豪(同d卑鄙月餅)啦!講番蛋糕,我覺得佢既3D蛋糕實在係無得輸。每次經過見到佢個「勝利大四喜」我就好有衝動買個比「未來奶奶」。我唔識鬆章比佢咁就唯有買個cake哄下佢開心啦哈哈(奶奶政策!?)。
東海堂 東海堂令人回味無窮既應該就係流心芒果蛋糕啦!你話流沙奶黃包就話會流d野出黎我信呀,但邊有人會諗到咁大個既蛋糕都可以做到有流心先得咖?正!想食!我仲睇到Facebook專頁話:「由即日起至2014年4月30日期間,購買20%增量版.流心芒果蛋糕、流心白桃芒果蛋糕、3件或以上之芒果甜品均可享85折優惠」!唔想一次食咁大舊糕可以睇睇呢d優惠參考:
食蛋糕係開心既,但諗起有幾肥就傷心x2046 -_-。唉,蛋糕,又愛又恨也!