更新日期: 2014 年 10 月 06 日
剛剛過咗中秋節,唔知大家有冇去維園綵燈晚會呢?有去的話,應該睇到大坑舞火龍。如果錯過咗,唔使等下個中秋,今個周末又有得睇喇!因為10月10號至10月12號將會舉行《銅鑼灣觀音廟會》,慶祝大坑蓮花宮有機會成為法定古蹟。星期五晚8點舞火龍護送觀音神像行宮巡遊會由蓮花宮出發,巡遊到銅鑼灣摩頓台臨時遊樂場,行程大約45分鐘。喺銅鑼灣摩頓台臨時遊樂場會有綜藝表演,可以跟住火龍去。而11同12號會有綜藝表演、攤位遊戲同神功戲。其他節目仲有火龍骨架展覽、摺蓮花許願、競猜蓮花數目有奬遊戲、流年運程講座、風水講座、觀音信仰同籤文講座等。