嘉嘉♥五六日 搵食日 (六)－佐敦白加士街、吳松街、廟街

又到月尾 (又名糧尾)，荷包乾塘，但到咗Weekend，總係心思思想出去食下飯。到底要慳住食捱到出糧，還是就嚟出糧，碌卡食咗先算 (係，我知呢個係壞習慣>.<)？無論如何，飯都係要食嘅，經濟緊縮咪搵下有冇啲平啲嘅嘢食囉，平都可以好味啫。今次嘉嘉就去佐敦白加士街、吳松街、廟街一帶，皆因平民食肆夠多，食豪啲食平啲都得。

牛皇星
菜式：港式
簡介：主打火鍋，店名叫牛皇星，牛脊肉好淋好有牛味，必食！手打牛丸同其他丸類都唔錯，不過價錢較貴，糧尾慎入！
推薦付款方式：VISA、MasterCard
適用信用卡：渣打信用卡
獎賞：周六狂賞，星期六食肆簽賬回10%現金回贈，每次最多回$50，每個月最多回$300，每個月要累積到$5,500或以上。

合一咖啡屋餐廳
菜式：西式
簡介：由一班教徒開辦，油麻地、佐敦有三間分店，Pizza唔錯，咖啡有好多選擇，有水準，環境算清靜，下晝去Hea都OK。
推薦付款方式：銀聯
適用信用卡：東亞銀行銀聯雙幣白金信用卡
獎賞：本地餐廳食肆3X積分，每月最高賺額外30,000分。同時東亞仲做緊額外獎賞，分四個階段，每階段回$150，全期最多回$600。推廣期內累積滿$10,000，額外回多$100回贈。另外Citibank信用卡簽滿$200有9折。

Mala's Fusion Cuisine
菜式：印度、西式
簡介：Fusion菜，Four Season Pizza、香果魚柳沙律乃係招牌菜，主廚係印度人，咖喱自然都唔會差得去邊。
推薦付款方式：VISA、MasterCard
適用信用卡：富邦信用卡
獎賞：逢星期六、日每簽滿$300或以上本地簽賬有2X積分。

小酒窩餐廳
菜式：西式
簡介：都係賣Fusion菜，同Mala's Fusion Cuisine有啲類似，燒豬肋骨、Pizza、Kebab必試，
推薦付款方式：VISA、MasterCard
適用信用卡：匯豐信用卡
獎賞：最紅自主獎賞加最紅星期五11X積分。

尚館
菜式：法國
簡介：隱藏於廟街嘅法國餐廳，環境幽靜，氣氛唔錯。有幾款套餐可以選擇，以法國菜 (雖然唔係好正宗) 嚟講算係經濟之選。
推薦付款方式：VISA、MasterCard
適用信用卡：DBS信用卡
獎賞：全港食肆3倍DBS$獎賞，每簽賬滿$250= DBS$3。

除咗一啲可以碌卡嘅餐廳，嘉嘉我都揀咗啲只收現金嘅食肆，除咗澳牛、亞龍咖喱、麥文記呢啲出晒名嘅，仲有其他小店都好味得嚟又經濟。

宏
菜式：日本
簡介：雖然有拉麵，但主打嘅係甜品，抹茶蛋卷、抹茶雪芳蛋糕、抹茶芭菲、無塵栽培嘅日本草莓蛋糕、銅鑼燒都係唔可以錯過。

唯珍上海麵館
菜式：中式
簡介：街坊式上海同北京菜，北京餡餅、湯餃、煎餃、雲吞好足料，豆沙窩餅亦可以一試。

栢檔去骨海南雞飯
菜式：星馬泰
簡介：睇個名就知佢主打海南雞飯 (其實係獨孤一味海南雞飯)，雞係預先去骨，啖啖肉，仲送自家老火湯，不過份量偏細。

Amour Cafe
菜式：西式
簡介：港式西餐，意粉尤其出色。