嘉嘉♥五六日 搵食日 (三)-灣仔日、月、星街

嘉嘉♥五六日 搵食日 (三)-灣仔日、月、星街

相關信用卡:

嘉嘉♥五六日 搵食日 (三)-灣仔日、月、星街

發表日期: 2014 年 08 月 15 日 更新日期: 2014 年 08 月 15 日 飲食

作者:艾力嘉

星期五、六、日,最爽梗係同親友歡聚,一齊歎盡美酒佳餚,全香港咁多食肆邊間好食,就等我嘉嘉推介一部分俾大家,再用信用卡埋單順便賺下積分、里數、回贈。當然啦,好唔好食就因人而異,如果唔啱你胃口,千祈唔好揼我喎 (戴定頭盔先XD)。

第三回「五六日 搵食日」要講嘅係灣仔日、月、星街,嗰度本來係住宅區,後來旁邊太古廣場三期落成,帶旺咗日街、月街、星街、永豐街、聖佛蘭士街一帶,吸引到唔少特色小店進駐,餐廳亦愈開愈多,漸漸形成咗一個自成一格嘅小社區。

Maya Cafe嘅素丸配香草同有機糙米飯,地中海口味獨特。

Beef & Liberty嘅漢堡扒可以自選熟度,加埋粗薯條,好Heavy但係好滿足。

Maya Cafe Mediterranean Lifestyle
菜式:地中海
簡介:食齋唔一定淡茂茂,主打西式素食,極富地中海風味。
推薦付款方式:VISA
適用信用卡:匯豐信用卡
獎賞:最紅星期五11X積分,另外星期一至五用匯豐、東亞、恒生、工銀亞洲有9折。

葫同日式燒肉
菜式:日本
簡介:日式燒肉,椒鹽霜降黑豚、鹽蔥牛舌、去骨牛油雞腿、椒鹽豬大腸等都係必食,而且有專人幫你燒,火候控制絕對好過自己燒。
推薦付款方式:AE
適用信用卡:美國運通卡美國運通國泰航空信用卡
獎賞:一單簽滿$100或以上,每$1=1 Asia Miles里數 (美國運通國泰航空信用卡),或者15美國運通積分 (美國運通卡)

Beef & Liberty
菜式:美式
簡介:自家製酸麵團漢堡麵包配無激素草飼牛Patty,肉汁香濃,加多杯奶昔、啤酒或檸檬梳打,爽!
推薦付款方式:VISA、MasterCard
適用信用卡:DBS信用卡
獎賞:全港食肆3倍DBS$獎賞,每簽賬滿$250= DBS$3。

囍宴 甜‧艺
菜式:中式
簡介:由Jacky Yu主理,集合中國各地方菜式,擔擔麵、陳皮骨都值得一試。
推薦付款方式:VISA、MasterCard
適用信用卡:渣打信用卡
獎賞:周六狂賞,星期六食肆簽賬回10%現金回贈,每次最多回$50,8月內最多回$300,每個月要累積到$5,500或以上。另外匯豐、恒生星期一至五晚市滿$300有9折。

Spoil Cafe
菜式:西式
簡介:環境幽靜,下午茶Hea坐非常舒服,著名Crunch Cake可以一試。
推薦付款方式:VISA
適用信用卡:富邦信用卡
獎賞:逢星期六、日每簽滿$300或以上本地簽賬有2X積分。