嘉嘉♥中秋狂歡滿月派對

嘉嘉♥中秋狂歡滿月派對

相關信用卡:

嘉嘉♥中秋狂歡滿月派對

發表日期: 2014 年 07 月 31 日 更新日期: 2014 年 07 月 31 日 旅遊

作者:艾力嘉

喺香港過中秋節,不離食月餅、玩燈籠、賞月、去赤柱、石澳BBQ咁。去外國旅行,除咗華人或東亞地區,中秋節就無乜氣氛。不過如果係去泰國蘇梅島 (Koh Samui),就可以開住超級大型滿月派對過中秋喇。


其實蘇梅島嘅滿月派對 (Full Moon Party) 並唔係特別為咗中秋節慶祝,係蘇梅島附近嘅帕岸島 (Koh Phangan) 每個月都有嘅節目。顧名思義,Full Moon Party梗係月圓之夜先開P啦,對返農曆十五就有,所以嚟緊9月8號中秋節都有。Full Moon Party由傍晚開始一直玩到天光。沙灘旁邊有好多間酒吧,全部一齊開恆音樂,啲人一邊飲酒一邊跳舞,幾千人喺沙灘上面盡情釋放,好High!嘉嘉我都去過一次,氣氛真係好正正正~^_^!

沿住沙灘都係酒吧,啲人就集中晒喺沙灘飲酒跳舞狂歡。

沙灘上面會有人表演舞火棒,勁過煲蠟潑水XD。

啲酒係一個個膠桶仔咁賣,將所有嘢倒晒落去慢慢啜養金魚。

飲醉咗或者玩到攰可以去「訓覺區」休息下,有專人看守㗎。

由香港去蘇梅島直航只有曼谷航空,不過國泰有聯營機,可以照賺里數。由蘇梅島去帕岸島可以去當地旅行社買套票,包來回船飛,同埋會有車由酒店車你去碼頭,同埋回程車你返酒店。喺帕岸島上船落船可能要澗水,記得帶密實袋袋住啲錢、証件同手機、相機。仲有,去到人多嘅地方,記住要注意財物同人身安全呀。

既然預咗去Full Moon Party,通頂玩完一定筋疲力盡,梗係要做下Spa回下氣啦,帶張有海外簽賬獎賞嘅卡,例如富邦白金卡或Titanium卡,海外簽賬$1=4分。