喪玩得、hea玩亦得！ 速攻香港7大萬聖節熱點!!

各位網友好！ 上個禮拜連風假總共有3日假，應該大家都上滿電啦！ 既然係咁，今個星期撞中一年一度嘅萬聖節，就梗係要出去玩返下啦！ 不過正所謂「百貨應百客」，有啲人可能係諗住一家大細悠閒地過一個週末或日嘅下午，亦有人係打算三、五好友瘋狂「癲」返晚。小編今次就為大家嚴選週末十大萬聖節活動，大家預備盡情狂歡啦！

 

喪玩組

海洋公園「本格」恐怖體驗：哈囉喂全日祭2016

8間鬼屋一日隨時玩唔晒

踏入第16個年頭，海洋公園今年都繼續舉辦哈囉喂全日祭，就活動內容嚟講，由於園內有8間鬼屋咁多，如果沒有哈囉喂優越門票，真係入到一半已經叫達標。個人比較推薦「捉鬼敢死隊Live」、「屍立中學」、「照妖宮殿」及「血祭宮殿」。

 

「捉鬼敢死隊Live」方面將會分開兩個部份，分別係可以學習捉鬼槍用法同有鬼口水體驗等嘅「捉鬼敢死隊學堂」，同埋係親身體驗電影『捉鬼敢死隊』嘅場景同情節嘅「捉鬼敢死隊Live」。個人覺得驚嚇度適中，適合一家大細遊玩。不過要留意返兩個部份係要獨立排兩次隊，所以如果要玩晒就記住要睇住時間玩啦。

 

「照妖宮殿」及「血祭宮殿」則係比較視覺向的，使用手機app，以AR技術照妖捉猛鬼，有啲似Pokemon Go，加上現場嘅真實妖精，真實虛擬共冶一爐，瀨尿牛丸一樣非常適合自拍，啱晒合家歡齊齊打卡。

 

「屍立中學」就真係非常傳統嘅鬼屋，既具一定恐怖感，又唔會好似16禁鬼屋走重口味路線。有優越門票或者參加咗哈囉喂「屍」家極樂之旅嘅朋友，記得見埋聖屍文校長啊！

海洋公園：哈囉喂全日祭2016
日期：10月27日至31日
開放時間： 10:00至23:00
門票：成人$385；小童$193
優越門票：成人$690；小童$345（可進入「16禁」、「屍立中學」、「心慌血色吧」和「血祭宮殿」的秘密暗室）
官方網頁：傳送門

 

留意中銀信用卡客戶係尊享香港海洋公園哈囉喂全日祭門票低至84折，如果手上有嘅就記得要用啦。

香港海洋公園哈囉喂全日祭門票優惠
成人優惠價HK$320 (普通門票)/ HK$621 (優越門票)
推廣期：即日至2016年10月31日

 

迪士尼華麗萬聖舞台：Disney Halloween Time反轉迪士尼

香港迪士尼樂園今年繼續維持一貫華麗嘅排場。由日間嘅「米奇Halloween大街騷」到晚上「迪士尼惡人大出巡」，兩個截然不同嘅光影音效可以令人享受到夢幻般嘅感覺。

園內最搶眼嘅，當然要數配合主題「Disney Halloween Time – 反轉迪士尼」，而於晚上舉辦嘅一反傳統，由《白雪公主》嘅皇后、《101斑點狗》嘅庫伊拉，同埋《阿拉丁》巫師齊齊出席嘅「迪士尼惡人大出巡」。大型歌舞匯演加上城堡嘅燈光效果，非常可觀。

而園內的唯一弓間鬼屋「詭夢實驗室」，在詭異嘅教授引導之下，迪士尼故事嘅各位經典奸角會悉數登場。而幻想世界「夢想花園」將會變成「迪士尼惡人花園」，遊客將有機會同一班迪士尼壞蛋合照。

 

迪士尼：Disney Halloween Time反轉迪士尼

日期：即日至10月31日

開放時間：10月28日至31日10:30至23:00

門票：雙重節日「玩轉迪士尼」優惠：成人$599；小童$428（憑票可於2016年9月15日至12月15日到訪樂園2次，2016年10月28日至29日除外）。

官方網頁：傳送門

 

悠閒組

如果閣下係傾向於只係想悠閒地感受萬聖節的氣氛，亦可選擇以下幾個地方：
 

去樂富廣場化身喪屍踏上「屍囚之路」

領展樂富廣場今次的鬼屋以「屍囚之路」為主題。玩家要先穿上特製囚衣拍下犯人照，並選擇自己要變成邊種喪屍(全4種)。再於監獄中搵隱藏密碼來逃走。

監獄其實被分成好幾區區域，陰森重犯監房、恐怖監倉、精神病犯奪命監房、喪屍控制室同血淋淋飯堂。

玩家要一邊避開喪師，一邊找尋4個隱藏在室內的密碼，如果搵唔到，就要單獨面對四大名屍「同化成屍」的挑戰啦。
 

值得一提嘅係今年鬼屋新增咗加入Hologram 3D投影技術同人臉檢測科技既「驚魂照屍鏡」，玩家隨時會見到女鬼飄出嚟！

 

樂富廣場：「屍囚之路」
日期：2016年9月16日至10月31日(逢星期五至日、公眾假期及萬聖節當日)
開放時間：16:00至22:00
地點：樂富廣場B區露天平台
門票：免費入場（於指定領展商場或街市一星期內累積消費滿$400或以上，並出示該消費商場內商戶發出之機印發票正本（同一商場及街市2張至4張由不同商戶發出的機印發票正本，其中最少一張必須為電子消費發票，每張發票金額須為$100或以上），即可換領「喪玩快證套票」一套。套票包括：「屍囚之路特快門票」2張及「喪玩嘉年華遊戲劵」2張。）

 

又一城萬聖節玩VR，高感官屋邨恐怖體驗

最近潮流真係好興2R，由萬人上街嘅，Pokémon GO的AR到最近賣晒、賣晒再賣晒嘅PSVR，呢一類嘅科技新玩法確實對大家係有好大嘅吸引力。又一城就睇準咗呢個時機，喺萬聖節推出VR嘅遊戲設施。

遊戲有2個獨家設計嘅場景，包括「屋邨靈異探索」同「妖精遊樂場」，驚嚇度各有不同，適合一家大細一齊玩。玩家透過搖控器將能同一眾「香港到爆」嘅鬼近距離接觸。

HalloVR感官體驗
日期：即日至11月13日
活動時間：星期一至五：中午12:00至21:00 / 星期六、日及公眾假期： 10:00至21:00
地點：九龍塘又一城UG層M2位
門票：$60(U Card會員及Panino Giusto顧客以八達通付款可享95折優惠；顧客或可以$100購買探險王通行證，參與「屋邨靈異探索」及「妖精遊樂場」各1次。「妖精遊樂場」設有二人同行價$100。)
官方網頁：傳送門

 

山頂廣場 - 萬聖遊樂場之「小丑・血聲・樂園」

記得以前富士急除咗「戰慄迷宮」之外，其實重有一間係用聲效去達至恐嚇效果嘅鬼屋。而山頂廣場今個萬聖節就會引入類似嘅鬼屋。「小丑・血聲・樂園」主題鬼屋就係以令人毛骨悚然的聲音作為主打，玩家會被安排戴上內置耳機嘅頭盔去坐過山車。待玩家進入不同場景時，會被各種令人心寒嘅聲音「嚇死」。

「小丑・血聲・樂園」
日期／開放時間：
2016年10月29日 2pm - 10:30pm,
2016年10月30日 2pm - 9:30pm,
2016年10月31日 7pm - 9:30pm
門票：成人$385；小童$193
優越門票：於山頂廣場消費滿$100(憑最多兩張單據)即日換取「小丑・血聲・樂園」入場券乙張，門票先到先到，換完即止。
官方網頁：傳送門

 

寵物組

狗狗鎮嘉年華今年繼續舉辦！

一家大細出去玩，出於現實狀況所限難免要丟低嗰個4隻腳嘅「屋企人」喺屋企「食自己」。不過如果想同屋企嘅狗狗一齊出街玩嘅話可以點樣？ 29、30一連兩日嘅狗狗鎮嘉年華會係一個唔錯嘅選擇。

主辦單位今年特意設計咗障礙跑、波波池及寵物美容等不同活動，又請來兩位動物傳心術師，讓主人更了解狗狗喺度諗咩野。另外嘉年華亦會設有市集，方便大家同狗狗行街SHOPPING。

狗狗鎮嘉年華

日期: 2016年10月29、30日
時間：13:00 – 21:00
地點：長沙灣長義街9號 D2 Place (2樓 The Space + 天台
官方Facebook：傳送門
免費入場，但部分活動或需另外收費。

真．撞鬼組

往日香港人提起香港嘅猛鬼地點，相信一定會『高街精神病院』吧。當年常駐香港猛鬼地點前列的高街鬼屋，而家已經重建成一間社區會堂和多元化的社區服務中心。

無國界義工於10月29日，就會喺呢個地方搞一個「Halloween Go．高街嘩鬼慈善派對」，內容有WeWa鬼屋、整鬼你攤位、搞鬼大抽獎等等……喺前最猛鬼屋度搞鬼屋，分分鐘真係會撞到「真鬼」！

Halloween Go．高街嘩鬼慈善派對
日期：29/10/2016(星期六)
入場時間：16:00-21:30
活動時間：16:00-19:00、19:00-22:00
地點：西營盤高街二號　西營盤社區綜合大樓三樓　西營盤社區綜合大樓社區會堂
活動內容：WeWa鬼屋、整鬼你攤位、搞鬼大抽獎　(膽小者切勿進入WeWa鬼屋以身犯鬼)
對象：6歲或以上夠勇夠膽之人士
名額：200人
費用：個人票$50
　　　雙人票$90
　　   三人票$120
備註：不適合五歲或以下、孕婦、心藏病、高血壓和幽閉恐懼症病患者參加
參加者需知：請記住扮鬼扮馬出席
購票方法：銀行入數
                 信用卡網上購票
                 PayPal
留意購票後須填寫網上報名表，詳情請留意官方網頁：傳送門

由於系統有PayPal選擇，所以如果有東亞銀行信用卡，就可以考慮用PayPal找數，因為在12月31日前，已登記PayPal賬戶的用戶於PayPal簽賬 ，會有高達HK$600現金回贈 (詳情可進入呢個網址)。