唔想學傑青連睇戲都要忍?戲院優惠幫你慳
唔想學傑青連睇戲都要忍?戲院優惠幫你慳
相關信用卡:

唔想學傑青連睇戲都要忍?戲院優惠幫你慳

發表日期: 2016 年 10 月 11 日 更新日期: 2016 年 10 月 11 日 生活
作者:Arthur

傑青年年都選,不過今年卻特別多人討論! 無他嘅,今時今日買樓上車基本上難度同登陸火星差唔多,依家應屆十大傑出青年黃仰芳兩年就供斷,都咪話唔震撼!! 不過見佢10年都係睇得唔夠5套戲,淨係『星空奇遇記』最近7年都已經拍左3集,5套咁少小弟自問就真係做唔到啦。不過,其實計埋啲院線嘅積分優惠,折扣之類,計計埋埋其實都慳到唔少,其實要措蓄真係未必要搞到苦行咁嘅。

 

UA院線

星期一、三、五去到任何HSBC、恒生、星展、大新、Citibank或中銀信用卡已經即刻有9折優惠。如果你手上有東亞銀行信用卡,就更加可以一星期七日都享受到同樣優惠。假使你擁有東亞World萬事達卡,折扣就更加可以去到八折。記住小心唔好去錯Director's Club、Phoenix Club同 UA銀河影院啊。因為優惠係不適用於以上地方㗎。

此外,若然閣下是UA LOYALTY CLUB會員,就更加可以措積分換戲飛。港幣1蚊=1分,最快750分已經可以睇多一次!

 

MCL院線

只要你用東亞信用卡、建設銀行信用卡、渣打信用卡、Citi信用卡、工商銀行信用卡 / 聯營卡其一張信用卡買飛,都先來一個9折優惠呀。而工商亞洲銀行信用卡卡主,亦可以以優惠價$120 / $150成為MCL Club / MCL Club Plus會員!星期一同星期三喺戲院票房或網上可以8折買正價戲飛。

 

嘉禾院線

用已註冊嘅「匯豐卓越理財信用卡」 喺嘉禾院線簽賬可以額外賺5%回贈。不過,要留意呢個優惠係唔適用於網上同電話訂飛㗎。另外,如果係經常進出戲院嘅朋友,不妨加入成為GH Moviegoer / skywalker 或GH Moviegoer Plus會員。除咗買飛時可直接獲得8折 (GH Moviegoer Plus ) 或85折 (GH Moviegoer/ skywalker) 優惠,更可以儲分換戲飛 (GH Moviegoer/skywalker 消費$1=1分,GH Moviegoer Plus 消費$1=1.3分;會員生日月份雙倍積分),只要儲滿600分就可以換2D戲飛1張。

 

百老匯 / AMC院線

百老匯方面,HSBC、恒生、中銀信用卡買正價戲飛都有9折優惠,而用任何一張建行卡亦有9折,不過留意必須喺售票處買飛先有優惠㗎。仲有早場同星期二嘅戲飛都係唔適用嘅。此外,AE白金卡無論睇2D定3D都有85折優惠,星期四、五更加係買一送一! 如果用Blue Cash信用卡就全年都有85折優惠。另外,成為百老匯bcinephile 會員 (多謝$120大元) 後可以以85折喺百老匯院線戲院買飛同買小食 (百老匯電影中心8折),另外亦可以以30會員積分喺百老匯電影中心星期一晚九點場享有買一送一優惠,或喺其他百老匯院線戲院 (PALACE ifc除外) 以70分換取買一送一優惠。留意計分方法係每次消費額嘅5%。

 

The Grand Cinema

除咗憑渣打信用卡或MANHATTAN信用卡買正價戲飛有低至8折優惠外,買夠4張仲可以獲贈爆谷券1張,免費換取大爆谷一客俾你食住睇。而憑DBS Eminent Card / DBS白金信用卡 / DBS Titanium Card / DBS Black Card,都可以喺戲院票房用正價8折買飛睇戲。

 

星影匯

恆生、HSBC、渣打、MANHATTAN、Citibank、DBS、東亞、ICBC等全部都有9折優惠,真係想冇折都幾難。而有建行信用卡嘅朋友喺星影匯簽賬就有10倍積分。

 

Cinema City朗豪坊

最後嚟到旺角嘅Cinema City朗豪坊。入面間Citi Studio 4DX影院,一張飛隨時過$200,睇場戲真係隨時「流血不止 」。好彩只要係Citi信用卡嘅用戶,就已經有9折優惠 (重係2D同3D都包!),而Citi Clear Card更加連Citi Studio 4DX都有9折!

 

其實平時只要配合下戲院提供嘅各種優惠,其實真係可以慳唔少,小弟就最鍾意搶住做訂飛嗰個,次次一買就買4、5張飛,又有優惠又有會員同簽賬積分,都真係咪話唔爽! 夾埋隨時一年可以免費睇多幾次戲。

 

講多少少題外話,之前買飛買到要訓街嘅張學友香港演唱會2016又再加場喇,今次分別追加咗12月31日 (留意嗰場次係12月31日 7:30pm開始,所以應該唔可以喺場內倒數!) 、1月1日同1月2日共3場,港幣$980 / $680 / $380,三種門票將於10月14日10am起發售!! 除咗登入http://www.urbtix.hk 買飛外,各位亦可以經電話購票熱線 2111 5999 或親身到通利琴行等售票處直接買飛。開始地獄式儲錢之前,不妨睇埋佢先啦。