咁快就谷哈囉喂？

而家嘅商家針對節日嘅推廣做得愈來愈早，新曆除夕一倒數完就Sell恭喜發財廣告套餐，逗完利是又話油定復活蛋，復活節未過就裹定五月糉，一食完糉又開始Sell月餅，過完Halloween就推阿聖誕老人出嚟，然後又嚟一個循環，搞到成年有大半時間都喺度過緊節咁。呢幾年多得主題樂園嘅催谷，以前只有蘭桂坊先有人扮鬼扮馬嘅萬聖節都Hit起嚟，仲要晨早訂定飛去主題樂園玩，成功搞起咗一個賺錢嘅節日。