台灣之旅~宜蘭+花蓮(二)

到花蓮不妨去太魯閣國家公園遊遊，進入太魯閣果一刻，玲子聯想起風雲呢套戲，兩旁都係高高嘅峭壁，彷彿見到風師兄喺度練武咁。




不過太魯閣同蘇花公路一樣有好多落石，某啲路段當局會要求遊人帶上安全帽，下面張相可以睇到之前嘅落石佢地無清理，比遊人繞道而行。



時間唔早喇~係時候返羊角村，一間好舒服嘅民宿。


羊角村 ~ 位於花蓮縣壽豐鄉鹽寮村福德51號，近遠雄海洋公園，如想訂房可在網站http://www.giethoorn.com.tw/giethoorn.html 留言區詢問後匯訂金，當日粒粒玲子訂第一天假日價浪漫房NT$3500 + 第二天平日浪漫房NT$2800。



羊角村正面對住一望無際嘅菲律賓海。



羊角村頂樓有開揚景觀。



羊角村最正嘅係間間房都對正東面，粒粒玲子只要喺張床度擘大雙眼就可以睇度咁靚嘅日出。



呢啲機會唔係日日有，因為第二朝太陽伯伯好怕羞，呢埋咗喺啲雲入面啊……