又到中秋食月餅

Lady C.細個嘅時候好鍾意食月餅，不過習慣唔食蛋黃，一係食淨蓮蓉，一係挑咗個黃出嚟先食，所以成日俾媽咪話我唔識食XD。到大個咗，知道月餅好肥，就唔多敢食，一個中秋都食唔到四份一個。

之前端午節整咗個端午節優惠比大家，教大家食完平糭，中秋又到，循例都要應下節，又整一個中秋節優惠，同大家睇下邊張信用卡可以買到平靚正嘅月餅。

精選1－Citibank X 國金軒 (詳情)

今年Citibank同幾間餐廳酒店做優惠，當中國金軒嘅折扣比較大，最勁減到55折，而國金軒嘅迷你奶黃月餅以5折計雖然未係最平，但計埋佢嘅品質，都幾抵食。另外，仲有迷你燕窩南瓜軟心月餅，Lady C.聽到個名都已經流晒口水。 

迷你燕窩南瓜軟心月餅

精選2－恒生銀行 X 大班 (詳情)

其實Lady C.真係唔覺得傳統月餅老土，不過可能啲人覺得冰皮月餅食落冇傳統月餅咁膩，又可以當甜品食，所以好多人鍾意。恒生銀行同大班做55折，即刻抵晒。另外買指定月餅加$1 Cash Dollar可以換多1盒，我就睇中咗冰皮尊貴官燕月餅，原價成$450㗎。

冰皮月餅當甜品

精選3－渣打銀行 X Häagen-Dazs (詳情)

女人對甜品真係冇咩抵抗力嘅，特別係雪糕。用渣打訂Häagen-Dazs嘅雪糕月餅有69折，每盒計都係慳百幾蚊左右，但都夠食多兩、三杯嘅。不過69折做到8月3號，記住要快啦。

月餅伴「夜明珠」