又係時候為農曆新年預熱啦!!  新年商場裝飾巡禮(上)

又係時候為農曆新年預熱啦!! 新年商場裝飾巡禮(上)

相關信用卡:

又係時候為農曆新年預熱啦!! 新年商場裝飾巡禮(上)

發表日期: 2017 年 01 月 13 日 更新日期: 2017 年 01 月 13 日 生活

作者:Arthur

各位網友好! 過去兩個禮拜連續速攻咗一堆離島同行山徑,今個禮拜[週末好Hea處]又回到市區! 反正外面天氣「咁好」,一啲霧都冇,梗係留喺室內活動啦! 話說呢頭聖誕新年先啱啱完咗,農曆新年就幾乎已經到埗。今年各大商場又預備攪農曆新年活動啦,為咗同大家一齊為農曆新年預熱,本欄決定介紹即將同已經開始嘅商場活動,俾大家預先去感受一下新年氣氛!

バリィさん遠征皇室堡同你過新年


皇室堡係其中一個搶先喺月頭就搞新年活動嘅商場,佢哋今年就由日本嘅愛媛縣今治市請到日本「全國當地吉祥物大賽」2012年(2011年冠軍就係熊本熊)嘅冠軍BARISAN(バリィさん)遠道嚟到香港為大家介紹愛媛縣著名景點。另外,會場亦會舉辦各種新年活動啊。




皇室堡 x IMABARI BARYSAN 和風新春慶典

舉辦日期:即日起至2月10日
開放時間:10:00至22:00
舉辦地點:皇室堡地下中庭

Kanahei’s Small animals現身尖沙咀The ONE


來自人氣卡通Kanahei’s Small animals嘅超萌角色上星期已經來到尖沙咀嘅The ONE! P助、粉紅兔兔等一眾角色將會穿梭於UG2中庭、地下露天廣場同L2同大家提早拜年。


花園佈景有溫室小屋、巨型桃花樹等(桃花混合絨毛製作,手感非常真實),夾埋P助、粉紅兔兔佢哋一齊合照新年氣氛肯定UP UP UP!

「The ONE x Kanahei’s Small animals 新春萌遊花園」大型立體裝飾

舉辦日期:即日起至2月19日

開放時間:10:00時至22:00

地點:The ONE UG2中庭、地下露天廣場及L2

「The ONE x Kanahei’s Small animals」期間限定店

日期:即日起至2月19日

時間:16:00至20:00(逢星期一至四)

      12:00至20:00(逢星期五至日及公眾假期)

地點:The ONE L2
備註:初一至初三(1月28日至30日)休息

「The ONE x Kanahei’s Small animals」新春限定消費禮遇

顧客於The ONE任何商戶以電子貨幣(信用卡/銀聯卡/易辦事/八達通)消費滿指定金額,憑最多2張不同商戶之即日機印單據(每張金額必須滿HK$100),連同相符之電子貨幣付款存根(或The ONE Club會員憑指定積分),即可免費換領限量版禮品。(每日名額有限,先到先得,換完即止。)

時間:12:00時至22:00(逾時無效)

地點:The ONE UG2顧客服務中心

主題禮品:The ONE x Kanahei’s Small animals利是封兩包 (名額:共900個)

日期:即日起至27日

消費金額:HK$800

The ONE Club會員:5,000積分

主題禮品:The ONE x Kanahei’s Small animals毛毯 (名額:共750個)

日期:1月28日至2月19日

消費金額:HK$1,500

The ONE Club會員:10,000積分

The ONE Club會員憑利是封上之換領劵於UG2顧客服務中心即可免費獲得500積分。如要換領積分,The ONE Club會員必須於指定日期(即日起至2月19日)及指定時間內(中午12時至晚上10時)親臨The ONE UG2顧客服務中心,完成換領積分手續,逾時無效。每位The ONE Club會員只限參與此積分換領活動一次。

XO明日開始進駐新界七大商場


以XO為首嘅一眾好朋友明天開始將會分別進駐馬鞍山新港城中心、沙田中心、沙田廣場、屯門時代廣場、粉嶺中心、粉嶺花都廣場同粉嶺牽晴間購物廣場,呢個「BAD BADTZ-MARU開運賀新春」主題活動,XO將會穿上新春服飾同大家玩遊戲同合照!咁多個商場,總有一個喺大家附近啩。

「BAD BADTZ-MARU開運賀新春」

舉辦日期:2017年1月14日 ‑ 2月26日
開放時間:中午 ‑ 下午10時
舉辦地點:恒基兆業商場 (新港城中心、沙田中心、沙田廣場、屯門時代廣場、粉嶺中心、粉嶺花都廣場及粉嶺牽晴間購物廣場)

「雞蛋仔」喺荷里活廣場同大家過新年!!

之前三個地方全部都係「外國進口」,最後一個介紹嘅地方梗係要講下「土炮」嘢啦。鑽石山荷里活廣場今年就有「癲噹」帶埋佢個新friend,有個「朵」叫「雞年第一B」嘅「雞蛋仔」嚟同大家玩! 會場除咗有換咗財神look嘅「癲噹」,仲有雞蛋仔檔、蔗汁檔、人力車等非常「貼地」嘅景色。加埋「盆滿缽滿聚寶池」、「紅『噹噹』懷舊人力車」同「戲院」等情境,大家小心影到部手機唔夠RAM……

荷里活廣場  癲癲噹噹賀雞年2017
舉辦日期:2017年1月12日開始
開放時間:12:00-21:00
舉辦地點:鑽石山荷里活廣場一樓明星廣場