去馬場快活地玩啤酒節

入馬場唔一定係賭馬，亦可以當Party咁玩。講緊嘅係跑馬地馬場，逢星期三夜馬都有Happy Wednesday，經常有唔同主題，例如聖誕、新年等節日，入去飲下食下，睇下表演睇下賽馬，輕輕鬆鬆玩一晚。嚟到十月，自然亦會有Oktoberfest德國啤酒節，今年將會係10月22號、29號同11月12號舉行。

快活谷啤酒節嘅主角，就梗係啤酒同德國美食，今年有11款啤酒，當中自然會有德國牌子，同埋燒豬膝、特色香腸、Pretzel等等，必定飲飽食醉。買嘢飲嘢食俾錢用建行(亞洲)八達通銀聯雙幣信用卡的話，嘟八達通$1=1分；八達通Citibank信用卡每簽滿$200亦有$1現金回贈。除咗飲飲食食，快活谷啤酒節仲會有斟酒、泵氣、競飲等遊戲同比賽，可以贏獎品或現金券。