去邊睇世界盃好？
更新日期: 2014 年 06 月 13 日
世界盃揭幕戰話咁快就踢完喇，唔知大家係邊睇呢?自己喺屋企靜雞雞睇，定還是同一大班朋友落老蘭飲住酒睇呢？點都好，波始終喺愈多人睇，愈好睇嘅，起碼噓都一大班人噓。
話說琴晚果場巴西對克羅地亞，未開波前，照正路計，巴西就贏硬架喇，點知開波無耐，馬些路竟然整左球烏龍出黎，送份大禮過克羅地亞嘆下，呢一刻，我同身處老蘭嘅其他朋友都真係睇到呆晒，心諗唔通呢場真係有機會賽和，唔通波係圓嘅，凡事無絕對？好在轉頭過，尼馬已經追返一粒，跟手下半場判果個球十二碼，真喺一野打殘克羅地亞，咁就2比1喇，去到最後，奧斯卡篤射入網，3比1完場,但喺老實講，克羅地亞都叫做交足功課，成場波並唔係一面倒。
而正係老蘭同幾個朋友拖住疲倦嘅軀殼行去搭車嘅時候，隱約之間，聽到旁邊傳嚟一句「奧斯卡果球，開心死你喇，咁都中3比1，今晚睇波，你請!」如果我都有位中波的朋友係身邊就好啦，今晚睇波就有著落喇，事關晚晚咁落老蘭法，銀包都幾肉赤，老蘭氣氛喺好，之但係弊在消費沒咩優惠，留意極都喺得渣打WorldMiles卡同 American Express卡有啲老蘭嘅食肆優惠。
荃新天地有埋豆袋俾觀眾坐，睇得耐都唔怕倦。
究竟邊隊國家隊會捧走2014個金杯呢？
據我所知，九龍區會直播晒六十四場賽事，而又免費入場嘅商場有以下幾間：
奧海城(奧運站)，鑽石山荷里活廣場，觀塘APM；而九龍灣德福廣場，將軍澳Popcon，黃埔新天地,以及新蒲崗mikiki就只會播放特定賽事。
而新界區就有屯門嘅Vcity同屯門市廣場,大埔超級城,上面提過嘅愉景新城同荃新天地,以及新港城中心,MCP新都城中心,東港城,青衣城，以上除左青衣城只係會直播22場賽事外，其他都會播晒64場。
最後，港島區免費入場嘅就只係留意到世貿中心有直播22場世界盃賽事, 問過CS,位唔太多,得50個度。