去日本!幾時兌YEN先啱數?

去日本!幾時兌YEN先啱數?

相關信用卡:

去日本!幾時兌YEN先啱數?

發表日期: 2016 年 01 月 12 日 更新日期: 2016 年 01 月 12 日 生活

作者:高俊權 (高sir)

<高sir隨筆> : 香港人, 有一樣野,理你股市跌穿20000點, 又或者好似近期直頭有機會見18000點都好,去旅行的態度總是永恆不變的, 一年去一次旅行更是少不免, 如果經濟好, 人工加得多, 一年去兩轉是常識, 經濟雖然是轉壞, 但一年點都要出下去,叉下電罷?

日本 - 幾時都係香港人最鐘意去旅行的目的地之一, 上年YEN一路睇一路跌, 去日本買野好似永久六析咁, 梗係開心啦! 但去到2016, YEN無再跌之餘, 仲要學人玩反彈, 上年個個都講緊用62蚊港紙兌1000 YEN, 買衫又好買figure又好, 食碗面都夾D! 但年初受到環球股市小股災, 強美元引發人仔跌獲甘, YEN無端端黎左個大反彈。今天, 每千日元換兌港紙從上67水平, 短短一個月, YEN升得其實幾急, 唔好睇少呢幾蚊匯價上落, 影響亞洲區股市之餘, 連去日本旅行都變相貴左!

有唔少朋友準備假期去日本濕平, 但心大心細幾時先兌YEN, 會唔會去番7算? 定等下去番0.62水平先兌好?

複雜的經濟問題,引發千絲萬縷的關係,什麼因素令到美元上升,人仔急跌,又引發日元拆倉等種種,在此暫不加詳細分析。 簡單d講, 要睇住幾時兌YEN, 識睇就睇住人仔匯價去做野,人仔近排跌,如果繼續下貶。 例如續貶至0.86水平兌1港元的比率, 環球金融市場就會因而擔心中國的經濟面臨衰退,市場資金找強貨幣出路, 流入美元和亞洲區流入日元避險是常態,YEN的價格便會即時抽高。反之, 假如人仔匯價開始轉強,市場信心回復, 資金便會由日元回流,因而轉弱, 回復上年接近0.62水平, 故去日本幾時兌YEN直接睇住人仔匯率最簡單!

筆者估計, 日元難以在短期升破0.7,在國內的人民幣沒有條件急速下貶的基礎下, 人行定必出手力托人仔匯價,故相信短線日元強勢將會回落,想農曆年去日本玩一轉, 不妨等YEN價回落至6.45以下水平, 才諗兌換, 一來一回的匯率差價, 足夠買多幾件衫~ 但如果你玩投資, 長遠人仔只有透過降準減息,把人仔慢慢貶值下去, 以保內地出口和經濟增長,故YEN長遠計,的確有機會重回0.7以上,預備今年底去日本既, 見低分批兌換定就岩數了!

文: 投資旅遊寫作人 - 高俊權