去旅行新玩法！Chill到盡頭「郵」日韓之旅

講到郵輪旅遊，一般人聽到都會打個突，覺得又悶又貴，係老人家先啱玩。但如果今時今日你仲係咁諗，你就真係out了！比起坐飛機或陸上交通工具，喺海上嘅郵輪令人更有渡假感覺，而且船飛已包括所有食宿費用，唔洗plan唔洗執行李，訓醒就到下個景點。而且喺船上除咗食訓玩，其實仲有好多嘢可以做！

其中終於正式進駐香港嘅意大利郵輪「歌詩達新浪漫號」（Costa neoRomantica），以豪華為主題去營造意大利氣氛，全日供應豐富美食又有大把節目，例如教你配搭Verona酒同芝士！

 

每一款芝士都有唔同專屬味道同軟硬度，配唔同嘅酒都會有唔同嘅化學作用～除咗芝士之外，仲有麵包，紅棗等佐酒小食刺激你味蕾。

喺船上面食咁多野，唔係唔瘋狂做gym keep番副偈呀？

順便游個水、曬下日光浴也是常識吧！

順帶一提，船上嘅主食餐廳係可以免費任食的，而且質素真心唔差！

另外其實仲有好多唔同主題嘅餐廳，閱讀室，雪茄室等等，夜晚仲有唔同表演，魔術甚至party。雖然地點要由福岡出發，但低至$3659就可以玩盡金澤，舞鶴和韓國釜山等特色城市，包食包住仲有咁多嘢玩，點都好過坐長途巴士或火車吧～