原產地入手 平買正貨兼賺獎賞

原產地入手 平買正貨兼賺獎賞

相關信用卡:

原產地入手 平買正貨兼賺獎賞

發表日期: 2015 年 08 月 05 日 更新日期: 2015 年 08 月 05 日 生活

作者:無定向

去旅行除咗當地有咩嘢玩係重點外,係當地嘅消費指數都係考慮之一。當中物價同匯率就係因素之一。
以大家都講嘅日本為例,物價方面都冇太大嘅升幅,買支果汁都係同五,六年前一樣100日元有找。但嗰時嘅匯價就非常唔好啦,1兌10。去到今日,果汁都係100日元有找,但係匯價就去到1對15。明明售價冇變,但係枝果汁可以由10蚊港紙跌到去6蚊6毫港紙,當中就係匯率作怪。

日元雖然係跌咗好多,但問題係,到底日本要跌到幾多先收手。所以有朋友成日話想買日本樓,我同佢地講你係咪打算年年都返幾次日本玩先,如果係嘅用嚟收租啲錢都好使嘅,唔係嘅話都係留返啲錢去下面嗰幾個國家玩啦!

日本必買-東京香蕉
唔使多講,依隻香蕉嘅火熱程度同嗰3隻香蕉造型嘅minions一樣咁可愛,仲食得落肚㗎!
一盒8隻賣950日元
富邦卡日/韓 8X積分,$1=8分 (需電話預先登記)
950日元約$60,可得480積分
20,000分可得$100現金劵
可得現金劵約$2.4


去日本買蘋果
唔係講緊可以食嗰啲嘅日本青森縣蘋果呀,係個logo比人咬咗啖,賣電話嘅嗰間蘋果呀。今次介紹就係買出咗冇幾耐嘅Macbook。咁你地實問點解唔買iPhone呢,因為蘋果所有嘢都有全球維修,但係iPhone就冇,而且日版iPhone個網路制式唔同,未必間間香港電訊都用到。
講返部Macbook,係日本賣148,800日元,即係$9,300左右,而香港就賣緊$9,988,相差成$688。
富邦卡日/韓 8X積分,$1=8分  (需電話預先登記)
148,800日圓約$9,300,可得74,400積分
20,000分可得$100現金劵
可得現金劵約$372



歐洲必買-Rimowa
以歐洲嚟講,嗰邊嘅經濟都唔太好,加上開始咗QE,已經早有下降嘅現象。而家係一個非常好嘅時機去歐遊,成個歐洲玩晒佢都平到喊,呢啲時機真係可遇不可求,不過大家首先要儲定啲 Annual leave先,如果唔係機會嚟到都冇時間去享受!

Rimowa可以講係行李箱中嘅LV,香港真係賣得貴,要平當然要去返出生地德國買啦。以圖中架Topas 30",德國專門店賣約650歐羅,香港賣$9,480,差咁多,點可以唔買。
用DBS World MasterCard 有$4/里
650歐羅約$5,550,可得1387.5里



媽媽最愛-Dyson吸塵機
前排喺香港大賣廣告嘅Dyson吸塵機真係貴婦最新寵愛玩具,不過大賣廣告,成本就自然要轉嫁俾消費者啦,結果喺香港賣成5千幾蚊,但係喺法國買就只係要300蚊歐羅,講緊都係$2,550,不過部機都好大部下,最好問定Airline使唔使比行李附加費先。
用DBS World Master 有$4/里
300歐羅約$2,550,可得637.5里



英國買Burberry
英國可以話歐洲國家入面比較能獨善其身,今日今日經濟已經好咗好多,所以歐元區嘅國家都比希臘玩都暈時,英磅都冇咩受到影響。依家英磅都到12蚊左右都算唔錯,但再跌就唔會跌太大,點都冇可能去到海嘯時差唔多10蚊。不過英國真係好有回憶嘅地方,而家個價都可以去一去,再玩埋歐洲。
再加上好多香港父母都鍾意送仔女去英國留學,可以嚟緊睇定啲入貨,留返未來用仲抵!

Burberry無論女裝手袋,男裝銀包,去到西裝,頸巾,樣樣都好英倫貴族風,去到英國就可以用平民價買啦!
以頸巾為例,275英磅
275英磅約$3,330,用DBS Eminent Card海外簽賬有6%回贈,即係約$200回贈



後生仔最愛-JackWills
JackWills可以話係Hollister同A&F後另一最hit嘅後生名牌,加上本身英倫風格,十分適合時下文青。不過同樣一嚟到香港就貴過人。以T-shirt為例,香港件件都成$300,返返去家鄉英國都只係賣15鎊,仲要未計成20%退稅呢。而且我發覺基本上愈貴嘅嘢,例如西裝褸、鞋,個價差得愈多,可惜西裝褸實在跟住西方人個身形做,亞洲人要多花心思先會著得好睇。
15英磅約$185,用DBSEminent Card海外簽賬有6%回贈,即係約$11回贈


國產小米RO濾水器
呢排個市真係玩過山車啦,而且大陸今年都加入QE行列,升幅已經慢咗好多,甚至有跌嘅可能,人仔個勢真係同祖國一樣深不可測。而且物價方面大陸好多嘢都貴咗好多,再加上人仔本身都唔平,顯得咩嘢都貴過人!而且唔係我唔想去大陸玩,而係當你等飛機空管都用咗成3個鐘時,我已經喺羽田機場落機,真係吸引力大減。所以人仔都係留返真係北上先換或者碌卡啦!

香港呢排鉛水風波,要買個好嘅濾水器真係唔易。咁啱小米就出咗個灑水器,用咗高科技嘅RO技術,都只係賣$1,299人仔,但香港賣成萬蚊嘅濾水器都冇呢個功能,所以真係高性價比!
1,299人仔圍返$1,630
用東亞Flyer World Master可以有$5/里,即係得到326里數!



影視迷最愛-平買超級大電視
大陸買家庭電器都好平,特別係電視機。以下講緊嘅係一部43"嘅電視,都只係賣$2,799人仔。43"呀,係香港呢個價連34"都買唔到啦,而且呢個唔係大陸雜牌,係飛利浦嚟㗎,更正嘅係部機內置Android功能,仲要係8核心,播片,上網,咩都得,連咩咩盒子都慳返唔洗買,一機多用都只係賣呢個價,實在忍唔到手啦!
2,799人仔圍返$3,450,用東亞Flyer World Master可以有$5/里,即係得到690里數!