卡奴恩物:消費卡

卡奴恩物:消費卡

相關信用卡:

卡奴恩物:消費卡

發表日期: 2012 年 10 月 31 日 更新日期: 2012 年 10 月 31 日 生活

作者:碌卡小公主

宜家好興用信用卡消費,信用卡係一種透支消費。有時衝動買左件好貴嘅貨品,之後發現自己唔夠錢找數。還住少少先,唔小心就變咗卡奴。要避免成為卡奴,Lydia建議選用消費卡代替信用卡消費。

香港有銀行推出嘅消費卡,外表同功能與現時信用卡並無太大分別。開立消費卡首先要於該銀行開立存款戶口並放入現金。消費的時候如果卡內餘額不足以完成交易,則會從存款戶口自動增值,以支付消費所需金額。即係話消費卡係洗儲蓄戶口嘅錢,不會造成欠款。



同時消費卡會設置每日及每月增值上限,比如一日最多增值2000元。如果要簽帳支付超過2000元的貨品,可以事先轉賬再消費。

消費卡同時仲可以享有該銀行信用卡的大部分商戶優惠。簽帳又可以積分換禮品;網上購物要用信用卡俾錢,消費卡都可以做到;自動轉賬交電話費寬頻費用等等都可以用消費卡,可以省去交費排隊的時間。

唯獨是消費卡並不能進行免息分期。因為免息分期其實屬於透支行為,於銀行先幫持卡人一次過俾一大筆錢,然後分開一定期數向持卡人收取。另外消費卡亦唔可以進行八達通自動增值,呢點係Lydia覺得可以改進的地方。

所以如果唔想爭銀行錢又唔想錯過銀行推廣優惠仲想消費有分儲嘅你,不妨選擇申請消費卡代替信用卡喇!

如讀者想與Lydia聯絡/交流,歡迎電郵至somanwai@hotmail.com.hk。