【十大我最喜愛酒店自助餐】香港四季酒店「Blue Bar」

【十大我最喜愛酒店自助餐】香港四季酒店「Blue Bar」

相關信用卡:

【十大我最喜愛酒店自助餐】香港四季酒店「Blue Bar」

發表日期: 2016 年 01 月 08 日 更新日期: 2016 年 01 月 08 日 飲食

作者:積克

上次STELLA MA帶大家去咗HongKongCard【十大我最喜愛酒店自助餐】Tea Buffet 第一位嘅香港 JW 萬豪酒店「The Lounge」試食,今次就到我同大家去Lunch Buffet第三位嘅香港四季酒店「Blue Bar」歎下。


環境
坐位唔算多,坐滿大約可以坐50人左右,多數座位都係梳化為主。落地大玻璃採光非常好,亦可以一邊食一邊望下街景,雖然樓層唔高,景觀都算開揚嘅。


我坐個位係間開咗,有段時間得我一枱,好似包房咁。

食物
食物方面,款式選擇唔係特別多,以質勝量。

兩個Bar枱放一字排開擺晒食物。

頭盤有各式沙律同配菜、味道都偏清淡,鍾意食沙律嘅朋友應該好滿足。

比較可惜嘅係冇海鮮類,生蠔、青口、凍蝦欠奉,亦冇刺身,得幾款壽司。

當日主食有兩款扒類,即叫即切,一款係燒肉眼扒、肉質夠腍,另一款係薑汁牛肋肉,味道我覺得有啲似糖醋排骨。

熱葷選擇有意式雲吞、中式帶子餃、咖喱魚、意粉、炒/焗時蔬等等。


甜品方面,我比較鍾意榛子朱古力脆片布丁配香草汁,質感軟熟,淡淡朱古力味,冬天食好正。


菠蘿青檸泡芙唔會太甜,一啖一個唔會太「漏」。

地址:中環金融街8號香港四季酒店大堂
電話:3196 8830
價錢:自助午餐每位 $345 (另收加一服務費)