【十大我最喜愛酒店自助餐】港島香格里拉大酒店「cafe TOO」

【十大我最喜愛酒店自助餐】港島香格里拉大酒店「cafe TOO」

相關信用卡:

【十大我最喜愛酒店自助餐】港島香格里拉大酒店「cafe TOO」

發表日期: 2016 年 01 月 15 日 更新日期: 2016 年 01 月 15 日 飲食

作者:積克

之前HongKongCard舉行嘅【十大我最喜愛酒店自助餐】選舉,由會員選出自助午餐、下午茶自助餐同自助晚餐嘅心水。STELLA MA去咗Tea Buffet 第一位嘅香港 JW 萬豪酒店「The Lounge」,我就去咗Lunch Buffet第三位嘅香港四季酒店「Blue Bar」,今次我哋兩個就一齊出動,去自助晚餐嘅第一位-港島香格里拉大酒店「cafe TOO」試食。


呢度地方都幾大,目測可以坐到百幾二百人,不過亦可能因為想做多啲生意,放到幾張枱,令枱與枱之間稍為迫咗少少。食物方面,我同STELLA一致認為選擇相當多,每樣試一啖都可以食飽。我就鎖定一啲「回本」食物,好似龍蝦同澳洲和牛鐵板燒,放棄咗平時食自助餐都會食嘅,或者一啲比較普通嘅嘢食。

海鮮冷盤可以話係主打,龍蝦好多膏,STELLA都讚好,Refill得幾密。

麵包蟹同長腳蟹腳好鮮味。

仲有大蝦同青口,可惜冇生蠔。

頭盤方面,沙律、煙燻三文魚、巴馬火腿、水牛芝士番茄等等,都係大路嘢。

其他自助餐比較少見中式小食。

燻蛋整到溏心效果。

壽司同刺身有三文魚、北寄貝、吞拿魚、八爪魚,亦都比較普通。

點心有臘腸卷、燒賣、叉燒包、豉汁排骨、普通之餘又有太多其他美食,Pass。

自助餐必備嘅燒牛肉,肉質都算嫰,旁邊有人參湯包,類似有人參味嘅小籠包。

熱葷有薑蔥龍蝦、三杯雞、三文魚扒、炒飯等等,可能因為其他食物款式多,數量唔算多。


STELLA鍾意薑蔥龍蝦肉質新鮮又夠惹味。


中式燒味同燒雞翼其實整得幾好味,特別係乳豬,好快被人拎晒。


足料原盅中式燉湯,一搖鍾個個都去攞。


粉麵檔可以自選配料同麵條。


天婦羅有炸蝦、蝦餅、茄子、芋頭,除咗有天婦羅汁,仲有唔同嘅鹽可以點。


澳洲和牛鐵板燒比燒牛肉肉質更腍、肉味更濃,就咁食唔點任何醬汁已經好正。


甜品款式都好多,以蛋糕類為主。


有十幾款雪糕。


到咗某個時間,甜品師傅會搖鐘,表示開始整火焰雪山 / 雪糕蛋糕,即係將酒煮熱同點火,淋係雪糕蛋糕上面,外層忌廉燶燶哋暖暖地,帶啲酒香,入面仍然凍凍哋,好特別。

地址:香港中區法院道太古廣場港島香格里拉大酒店7樓
電話:2820 8571
價錢:自助晩餐每位 $638 (另收加一服務費)



相關連結:
【十大我最喜愛酒店自助餐】 香港JW萬豪酒店「The Lounge」
【十大我最喜愛酒店自助餐】香港四季酒店「Blue Bar」