酒店Reception位於正門商店左手邊
每日不同時段可以同聖誕老人影相,玲子大個女已無憧憬同聖誕老人合照,如果同外星人合照興趣會大好多
好可愛既Moose,唔捨得要佢咁粗勞拉人啊~
聖誕老人村距離玻璃雪屋酒店約3個鐘車程,沿途見倒有人冰釣,連狗仔都有參與呢
世界聞名既玻璃雪屋位於Igloo Village Kakslauttanen,呢間酒店係玲子未換倒機票前就Book左
(9月book 3月既酒店),因為Booking.com可於入住前一個月免費Cancel
Igloo Village Kakslauttanen
Kakslauttanen
Saariselkä, 99830, Finland
€360一晚包早餐既玻璃雪屋Glass Igloos、只有厠所(公共浴場要行5分鐘先到)+好舒適既床、
有車位(但距離雪屋好遠)、有wifi(只係餐廳位置,距離雪屋約10分鐘路程)
如果訂唔倒房可以參加Igloo Visit,每位 €14
呢個係Ice Gallery + Bar + Snow Restaurant + 咁多野都無用,因為無開門-_-
Glass Teepee內有啲剩餘物資,相信係Igloo Visit既人留底既,如果€14只係睇
以上幾個建築物 + 一個小TEA,好似唔係太值得啊~
終於到咗成個旅程既主角 ~ Glass Igloos
粒粒玲子住係1號既Glass Igloos
Glass Igloos內有厠所及洗手盤,不過呢個厠所太開揚,要入夜先能放鬆入去辦公
屋仔細細,只能放得二張單人床,不過張床都幾舒服架
食完飯無野做就瞓陣覺到11pm起身等北極光,可以係暖笠笠既Glass Igloos等北極光真的很幸福啊~
等咗大約10分鐘,真係有北極光出現,北極光係空中飛舞,約隱約現,比起上次冰島所見既强好多啊!
於Aurora Forecast check過當晚係屬於Level 3 Moderate Activity,玲子
亦特登選擇新月既時間黎睇北極光,所以光害比較少,真係好靚啊~~~
玲子好喜歡呢張相,做post card都唔錯
今次個旅程有5日係留係北極圈,第二日就有機會遇見北極光,真的好幸福啊~
同場加影,Igloo Village Kakslauttanen平面圖給各位參考!
下圖所見由 Restaurant + Reception行去Glass Igloos大約10分鐘,
由Glass Igloos行去公共浴場Saunas大約5分鐘~