北上炒名錶！？

其實Lady C.我絕對係個肯陪人挨麥記既女仔，點解？點解我會係盛女！？戲劇性咁失落低頭，望住空空如也既手腕，Lady C.個平時唔係好轉既腦袋忽然運作起嚟，叮！我諗倒以後既生活點算喇！！不如學人北上炒名錶丫？

大家都知啦，宜家人民幣貴過港幣咁多，而且仲不斷升值，因應稅率同兩者既滙率差距，中港同款名錶售價平均差25%；當中仲以瑞士錶最為抵炒，事關香港瑞士錶免稅，同款瑞士錶售價係平過強國兩成架，仲唔係個炒水貨既黃金機會？

不過機會係留比有準備既人既，好似Lacy C.依種準備不足（我唔夠本金）而又希望投身炒錶界既人士，信用卡就絕對係恩物喇！碌卡取貨唔洗比現錢，炒完賺完水位先再還錢，無本生利賺差價之餘，仲有得賺埋簽賬回贈同里數，一舉多得，真心覺得好着數呀！

我諗過架喇，第一步先喺香港碌卡入瑞士錶走水貨上大陸賣，順利既話可以滾大我個本金，仲可以訓練揀潛力靚錶既觸覺。初步或者專攻D碌卡有折既瑞士錶先，還掂Time Super做緊Sector錶8折，Tag Heuer專門店又做緊全店9折，可以入幾隻試下水溫先喎~ 唉，可惜我開竅得太遲，撞正強國反貪腐同瑞士鐘錶關稅將會回落（聽講今年會下調18%），意味住瑞士名錶未來喺強國既水位將會越嚟越低，仲分分鐘可能隨時炒燶。

反貪腐對水貨名錶銷路造成好大打擊……

所以，同志們！北上炒錶真係唔洗急，但最緊要快呀！到有番咁上下本金，我既下一個目標就係二手名錶！！一來二手錶貨源較穩定，價格較低，加上二手錶市場近幾年越見暢旺，只要培養好選擇潛力錶既眼光，真係不愁回報架！

二手「勞」喺二手名錶市場既銷情一直唔錯~

獨家獎賞

信用卡

貸款

保險

理財戶口

理財文章

討論區

北上炒名錶！？