北上消費儲里數 銀聯雙幣信用卡幫到手

北上消費儲里數 銀聯雙幣信用卡幫到手

相關信用卡:

北上消費儲里數 銀聯雙幣信用卡幫到手

發表日期: 2012 年 10 月 10 日 更新日期: 2012 年 10 月 10 日 生活

作者:碌卡小公主

依家越嚟越多港人北上消費,而當中銀聯卡於大陸認受程度最高。所以如果想北上消費,但又唔想錯儲里數機會,申請一張銀聯雙幣卡,真係一個唔錯的選擇!

申請一張銀聯卡雙幣卡,可以於內地消費時用人民幣結算。無需攜帶大量現金,而且又唔需要擔心收到假鈔。因為國內人消費力驚人,好多海外旅遊熱點為左賺強國人錢,已經開通咗銀聯收費通道。而且相 比起Visa或者Master,銀聯卡亦唔需要繳付海外或者內地簽帳手續費,這對於比較注重海外簽帳手續費 的持卡人來說,可以話係福音!不過亦都需要注意,通常銀聯雙幣卡好少會提供海外簽帳積分優惠,倘若想儲多點里數,Visa或者Master依舊係一個唔錯的選擇。究竟申請邊張銀聯雙幣卡?Lydia覺得有幾樣嘢需要考慮一下:

  手續費問題

通常港人都唔會用死一張信用卡儲里數,但係好多信用卡於兌換里數嘅時候都會收取手續費。舉個例,短途機票其實也就1000-2000港元,假設兌換所需里程的手續費大約需要一千港元,就唔係太著數喇!Lydia發現中銀的銀聯雙幣卡並唔會收取兌換手續費,算係比較著數啦!

積分有效期

積分有效期越長,每次可以兌換的里數越多,兌換所需成本愈細。大多數銀聯雙幣卡的積分有效期為兩 年,但渣打同花期嘅銀聯雙幣卡積分並無限期使用,算係比較著數。至於中銀銀聯雙幣卡白金卡有效期亦都有3年,都算唔錯。

還款方便程度

主要指以人民幣還款方便程度。通常銀行都只接受自己銀行的人民幣儲蓄戶口自動轉帳、網上理財轉帳 和櫃位存入現金方式用人民幣還款。而永隆,建設銀行接受本地人民幣支票還款,中銀則接受在中國銀行(香港)、南洋商業銀行及集友銀行以人民幣開立的儲蓄戶口辦理;中國建行接受本港任何銀行的人民幣儲蓄戶口自動轉帳,十分方便!



基於相信大多數港人都係本地簽卡為主,北上消費為輔,Lydia覺得銀聯雙幣卡於儲亞洲萬里通過程中只屬一個輔助角色。又由於本地消費儲里數先至係主流,多一張銀聯雙幣卡,只不過係可以唔需要擔心北上消費時候錯過咗簽卡儲里數的機會而已。

至於海外消費,就可以根據喜好而決定用唔用銀聯。因為銀聯雖然唔收海外簽帳手續費,但係海外簽帳依然訂於12-15港元兌1里,相比Visa或者Master,通常都已經低至4-8港元1里。Lydia認為如果去海外 旅行,可以簽銀聯的地區始終有限,可以簽的話不妨慳翻些少手續費。如果簽唔到銀聯,再選用Visa或 者Master都未遲。當然,外出之前最好睇定邊張卡收手續費較平,儘量選用該卡。

另外提一下上商銀聯卡並非雙幣卡,屬人民幣銀聯卡,但都可以儲里數。Lydia發現上商的積分優惠推廣似乎不適用於該卡,如果純粹北上消費都可以考慮該卡。

【以上文章同時發表於Lydia博客
如讀者想與Lydia聯絡/交流,歡迎電郵至somanwai@hotmail.com.hk。