刺身燒肉任點任食！尚鮮日式燒肉漁市場

任食刺身見得多，但同場有埋燒肉同埋海鮮任點就真心少見，仲要係新鮮果隻！而開喺銅鑼灣嘅尚鮮日式燒肉漁市場，就可以滿足貪心鬼呢幾樣願望~

尚鮮環境唔算好大，但夠晒寬敞舒適，亦唔會太嘈，好適合三五知己放工嚟食飯吹水。如果有10人以上的話，亦可以選擇和式座位獨立房。

佈置上竟然有sailormoon同one－piece figure! 不但跟店內裝潢毫無違和感，仲比人感覺似走進了日本燒肉小店。細心留意會發現每個座位都貼上了牛部位貼紙，方便客人分辨邊塊肉係咩部位，知道自己鐘意食邊個部位後就可以再點~非常貼心！




雖然係限時放題，但都有成2個鐘，為咗客人可以食得更加滿足，店內採用ipad落單方式，比起用紙筆填寫更加環保同有效率，而且圖文並茂，方便想叫咩就叫咩。好啦入正題！頭盤當然要先食light啲嘅刺身先啦~先上桌嘅會有一個送嘅海鮮拼盤（人均消費滿$268就會送），每次送嘅海鮮都唔一樣，但最少會有6-8款，如果滿6位仲會送一板海膽！雖然係送，但小編試過質素絕對唔差啊~

然後嚟到戲肉！抵讚的是，絕對唔會因為係任食而比垃圾海鮮你交貨，所有食材都超·級·新·鮮！！象拔蚌同蟶子仲跳吓跳吓想逃走咁。當然，呢兩樣都絕對要試，尤其係象拔蚌，非常鮮甜肥美，而且極為爽口，加埋醬油提升佢嘅鮮味就更加perfect啦！

單係貝殼類已經有咁多種。

如果想食得再好啲，可以加錢追加更高級食材，例如生蠔、鮑魚和澳洲和牛粒等。生蠔食得多，但親自燒熟嚟食小編都係第一次！一邊燒一邊等蠔汁漏出，放入口juicy到雪雪聲...生蠔L一定要試。

大蝦香口清甜，燒得越耐就越香。魷魚亦一樣新鮮到典吓典吓！

呢個一口牛係必！食！睇相都見到有幾厚切, 燒起嚟依然好滑，肉汁豐富唔會dry，食落係棉花糖入口即溶嘅口感~~令人難以抵抗！而且每一舊都見到肉同脂肪比例平均分佈，鐘意嘅話仲可以加埋店內特地提供嘅玫瑰岩鹽，味道一樣好夾。

其實小編覺得燒肉嘅好處係，唔洗高技巧都可以燒得好食！其他牛肉例如牛肩胛同牛胸腹等，同樣都係肉質嫩滑，油脂甘香。啖啖肉嘅感覺真係好爽呀~~~

仲有一口芝士同榴槤炸彈，真係流心㗎！當初食落唔知係榴槤炸彈，真係嚇咗一跳XD

最令人驚喜嘅係，甜品居然有Movenpick雪糕送，為今餐放題畫上完美句號。

只要登記成為Hongkongcard會員，入座前出示番會員界面，埋單時就可以享有全單88折優惠！仲唔快啲去試？
優惠詳情：https://www.hongkongcard.com/blogs/1906

地址：銅鑼灣謝斐道496號金利文廣場3樓
電話：2117 4267
時間：11:30-00:00
價錢：平日（星期一至四）$268/位，週末及假期前夕$298/位，另收加一服務費。