出糧戶口優惠合集
出糧戶口優惠合集
相關信用卡:

出糧戶口優惠合集

發表日期: 2017 年 02 月 02 日 更新日期: 2017 年 02 月 02 日 生活教學銀行戶口理財戶口
作者:卡小姐

過完個新年,有人可能會考慮轉工,就算唔轉工都可能想轉下出糧戶口。始終每個月出糧都喺呢個戶口,有冇獎賞都差好遠,依家整合咗5間銀行嘅資料。

月薪港幣$6,000或以上嘅朋友可以選擇恒生銀行,用普通綜合戶口已經可以賺到$100 Cash Dollars;
月薪港幣$10,000或以上嘅朋友,想儲里數可以揀渣打銀行,想賺現金獎賞就揀建行比較好;
月薪港幣$30,000或以上嘅朋友,揀Citibank會有現金回贈。

1.東亞銀行
推廣期:28/2/2017前

東亞嘅出糧戶口最多可以賺到$3,800免找數簽賬額,要喺登記月份或下一個月開始每月以自動轉賬方式出糧,並透過出糧戶口收HK$10,000或以上月薪。

如果持續同一個戶口出糧,會有花紅優惠同里數優惠,申請顯卓理財World萬事達卡就全年簽賬港幣$3/里,而至尊理財客戶申請Flyer World萬事達卡就港幣$4/里。
 


*登記日期前12個月曾經用過東亞自動轉賬支薪服務或喺自動轉賬支薪推廣中得到獎賞嘅客戶,唔算係全新自動轉賬支薪客戶,無得用迎新獎賞

詳情:https://www.hkbea.com/html/tc/bea-account-services-latest-promo.html

 

2.中國建設銀行(亞洲)
推廣期:1/1/2017 - 31/3/2017

建行(亞洲)最多可以賺到$500現金獎賞,不過只有以僱主自動出糧服務或透過其他銀行定期轉賬指定過數嘅人工,同時不少於$10,000港幣先算係合資格。

選用出糧服務後四個月裡面,連續兩個月出港幣$10,000人工,就可以得到現金獎賞,
 


而成功登記後至6月30號,每一個月有合資格出糧交易同每個月維持指定平均戶口存款,就可以享有活期存款利息優惠,
 


詳情:http://www.asia.ccb.com/hongkong_tc/promotions/accounts/value-added-payroll/index.html?cmpid=value-added-payroll-url#tnc

3.Citibank
推廣期:31/3/2017前

Citibank嘅出糧戶口優惠分為三款,只有「Citigold」、「Citi Priority」同「花旗私人客戶業務」呢三種,同時要成功開立「月月增息」支票儲蓄戶口。
 

呢三種戶口嘅現金回贈都係一樣,根據月薪而定:
 

*Citi Priority客戶存入港幣$200,000或以上嘅新資金,加上每月存入港幣$50,000或以上嘅人工,仲可以豁免一年服務月費
*所有迎新獎賞不適用於Citibank現有客戶或是12個月內曾經取消Citibank銀行服務嘅客戶

詳情:https://www.citibank.com.hk/chinese/banking/citibank-payroll-account.htm?icid=HKOCAPNZHHMENMPOC

4.渣打銀行
推廣期:1/1/2017 -30/6/2017

渣打銀行除咗有現金獎賞之外,亦可以揀「亞洲萬里通」里數獎賞,兩個只能揀一個。
不過要留意,如果開立戶口前12個有用過渣打嘅自動轉賬出糧服務,就冇得用呢個迎新獎賞。
如果同時開埋「優先理財」同「Premium理財」戶口,頭6個月就享有港元活期儲蓄1%年利率。

 


*合資格客戶須於緊接戶口開立日後2個月內,透過戶口使用本行自動轉賬出糧服務。
*電子出糧方式不包括海外電匯、本地電子付款、支票或現金。

詳情:https://www.sc.com/hk/zh/promotion/save/salary-bonuspack/?pid=main_nav_bwu_en#highlight

 

5.恒生銀行
推廣期:1/1/2017 -30/6/2017

只要用指定戶口連續出糧三個月,每次金額係港幣$6,000或以上,就有得賺!


*係出糧月份同時用恒生信用卡主卡簽賬指定金額,仲可以得到額外Cash Dollars

詳情:http://www.hangseng.com/cms/emkt/pmo/grp04/p06/chi/index.html


不過溫馨提示,

1.現金、支票同埋經銀行電子轉賬系統匯入嘅存款唔算係自動轉賬出糧方式

2.如有爭議,一切以銀行決定為準