冰涼暑假 ~ LINE x 海洋公園夏水禮

冰涼暑假 ~ LINE x 海洋公園夏水禮

相關信用卡:

冰涼暑假 ~ LINE x 海洋公園夏水禮

發表日期: 2015 年 07 月 24 日 更新日期: 2015 年 07 月 24 日 優惠攻略生活

作者:Ruby Lo

年年都有夏水禮,今年有咩特別會吸引怕曬嘅我都要去玩 ? 今年海洋公園同Line合作成為全亞洲首個玩水派對「LINE夏日狂熱」。一班人氣爆燈嘅LINE FRIENDS Brown、Cony、James及Moon 一齊係海洋公園等大家一齊濕身。入面仲有期間限定的LINE FRIENDS Pop-up Store,獨家推出嘅LINE精品,比大家買到夠。

日期 : 2015年7月1日 ‑ 8月30日
時間 : 上午10時 ‑ 下午7時30分
地址 : 香港仔黃竹坑海洋公園
票價 : 成人 $345 / 小童(3至11歲) $173

作為Brown嘅Fans又點可以唔去玩呢? 佢個傻樣真係好可愛。

夏水禮仲有寄存服務 ,咁就可以放心去玩水。

「動感水韆鞦」會一路打韆鞦一路倒水落嚟 ,不過現場見韆鞦比較小型,比較合適小朋友玩。大朋友就唔多好意思坐上去 。(我認我好想玩......)

拍照熱點「超級大水桶」成日都會有堆勇士等大水桶倒水 ,平日真係無幾可會咁樣比一大桶水照頭淋,最啱就係攬埋啲朋友一齊「攬炒」,一齊濕身。

高達三層樓超人氣「瘋狂滑水梯」大人小朋友都啱玩 ,前面仲會有攝影師捕捉大家滑水時嘅傻樣。

「狂野泡泡派對」範圍唔大,一次大概可以玩10分鐘左右。其實要睇下你同咩人去玩,我就覺得都夠大家同朋友喺入面決鬥,但係泡泡可以再多啲。我當日都比人打到食咗好多泡泡,玩完10分鐘人都散埋。

「勁爆水彈陣」呢個要集合力量同智慧射個水彈爆過去對面,刺激又好玩。邊個朋友得罪你就叫佢企過去食水彈喇!


依家係7月5日至25日期間,LINE用戶加入「LINE 夏水禮」官方帳號,就有張電子刮刮卡,可以參加「LINE X 海洋公園夏水禮大抽獎」,大獎係雙人來回日本機票,其他獎品包括LINE半米高毛公仔同海洋公園入場券等豐富獎品。日日都有得抽一次,我就無咁好運,抽咗成個星期,日日都係得" 海洋公園門票或智紛全年入場證9折優惠 " ,不過點都好過無喇 ! (優惠不可與其他優惠共用。) 大家都可以去試試手氣 ~
仲有,夏水禮期間仲推出優惠,由7月1日至8月30日,只要購買或續購「智紛全年入場證」,就可獲贈「吃喝玩樂」優惠券,係園內指定餐廳、攤位遊戲、紀念品店等盡享現金或折扣優惠。你又會唔會買呢?
如果唔想抽獎咁煩,其實用信用卡都會有入場券折扣,好似用交通銀行信用卡係香港海洋公園正門售票處購票就有88折。就好似我買4 張成人入場券,一共$1,380,88折後只要$1,214.4,就平咗$165.6。

夏日潮流購物樂

如果想睇多啲我嘅介紹可以去我嘅Facebook PageInstagram