冇咩比黃金安全!

<高sir隨筆>:市場迎來自1985年首次英鎊匯價跌至｢9算｣的情景! 1985年, 當時正值1984年12月｢中英聯合聲明｣簽署後的一年, 市場動盪變化情感高漲, 迎來了上世紀一次英鎊貶值! 今天, 英國｢脫歐｣所引發的延伸問題卻是自尋煩惱, 更影響了全球本來已經殘存的經濟.

估計英鎊在短時間內的跌勢難免持續, 且更恐見無底深淵之局! 英鎊急挫, 引發出當地經濟衰退問題, 更影響了歐元區貨幣, 歐元同樣在動盪環境中貶值, 歐盟是次應該對英國恨之入骨, 本來量化中的歐元區只要效法當日美國一樣, 多捱2-3年就可以有另一片光景, 至少做到表面風光, 但英國攪攪, ｢量化｣的藥力完全抵銷, 歐元區無三五七年都回復唔到果段霸氣, 連累美國不能加息, 亞洲區日圓匯價急升, 日本一直長久弱勢的本土經濟, 進一步比英國打擊, ｢安倍｣可能對祖先決定好後悔, 當日｢二戰｣時就該出戰英國佬, 唔好打美國就冇事.

英鎊匯價積弱, 難為了一眾投資海外房產的公司, 近日, 英國倫敦一個物業以200多萬入場作招徠, 有人話有危有機, 十年後英鎊升番見｢14｣-｢15｣算就和味! 係就係, 但大前提係英國呢十年內我就堅唔睇好, 今回脫歐辣著唔單止英國本土分裂主義, 更是全世界各國央行的火頭, 想單以一己之力抽身? 談何容易!? ｢日不落國｣看來要劃上爛尾句號.

話說回來, 咁既市況可以買咩?筆者相信, 而家市況係多做多錯, 唔做唔錯果隻, 謬然入市有如火中取粟, 做左炮灰都唔知咩事, 唯一可取的, 可能真係只有｢黃金｣, 黃金的價格由低位一直反彈, 數年前國際金價曾一度見1800美元水平, 金價自3年前頂位後便回吐, 剛好踏入2016年回見1030美元左右回升, 以一個熊市來說回調三年剛好結束並反彈, 今天, 金價報約1350美元水平, 脫歐加速了金價的反彈並持續, 估計上番1500美元無難度, 簡簡單單買隻黃金相關ETF(2840)可能今浪長發!