關於5000蚊電子消費券,等到頸都長終於有得登記,登記完個心都未定落嚟,究竟要點樣買先最抵?唔同支付工具有唔同優惠,今次就同大家講吓八達通,教大家用消費券賺到盡!
八達通 優惠解構
八達通消費券優惠非常簡單,冇太多嘢需要做,基本上就以下幾個優惠,一個都唔好漏,就可以賺到HK$368。其中商戶優惠券未公布,到時揀自己啱用嘅就得。
- 登記優惠:首2,000,000名登記賺八達通增值額 $18(優惠詳情)
- 綁定優惠:將八達通卡加入iPhone或Apple Watch,迎新優惠$100(優惠詳情)
- 消費優惠:單月累積$200或以上的零售消費滿 $1,000,可賺八達通增值額 $50,總共$100(優惠詳情)
- 商戶優惠券/商場優惠券(優惠詳情)
- 八達通自動增值優惠:如果你登記嗰張八達通仲未登記八達通自動增值,咁就唔好浪費,不如食埋個登記優惠啦!有$150,做到2021年7月31日咋。(優惠詳情)