全港首試G。紫薯藍蝶花Tea Set
更新日期: 2016 年 03 月 03 日
大家好，又係我GG啊，今日首先好多謝大家咁支持小妹嘅第一篇BLOG, 真係受寵若驚，非常感激不盡，小妹定當加把勁寫文，希望大家繼續多多支持我啦！
今日想同大家介紹呢間位於上環嘅Café Bauhinia，佢本身係一間花店，所以Tea Set 嘅食材都係圍繞著花，所有菜色都係老闆娘構思，大部分嘅甜點都係老闆娘整添！真係多才多藝，仲好有Heart！
而今期嘅主角花就係「藍蝶花」再mix & match近期最興嘅紫薯。為左第一時間試食，我哋三月一日夜晚去食呢個 “Tea
Set”，不過講真都幾飽肚，晚飯都唔洗食！
提提大家，呢個Set 只係係1/3-13/3供應，想食就要快啦。G都盡快出文比大家做個參考，最尾在預告比你地知下期係咩花啦。
環境：
好多花呀，簡直好似去咗花花世界
呢個表情嘅由來係因為老闆娘好好客咁見我喺度拍嘢就突然放咗好多白玫瑰喺我身邊，再加上後面頭上都有白花…..畫面係好靚，但係好多白花就好似，就好似要收白花咁……總之我忍唔到笑，不過老闆娘如果妳睇緊呢個Post：多謝你嘅熱情招待啊，拍得個畫面好靚 XD
食物：
呢個係當日Tea Set 嘅Menu,
以下落黎評論嘅食物次序會根據我個人喜愛嘅Ranking 比大家做個參考 （1-10，1為最喜愛）
好多花呀，簡直好似去咗花花世界
呢個表情嘅由來係因為老闆娘好好客咁見我喺度拍嘢就突然放咗好多白玫瑰喺我身邊，再加上後面頭上都有白花…..畫面係好靚，但係好多白花就好似，就好似要收白花咁……總之我忍唔到笑，不過老闆娘如果妳睇緊呢個Post：多謝你嘅熱情招待啊，拍得個畫面好靚 XD
食物：
呢個係當日Tea Set 嘅Menu,
以下落黎評論嘅食物次序會根據我個人喜愛嘅Ranking 比大家做個參考 （1-10，1為最喜愛）
1. 黑松露雞醬批
呢個真係令我好喜出望外，裡面滿滿嘅黑松露雞醬每咬一口都湧出來咁，加上脆脆嘅外皮，整個味道非常夾呀。
2. 藍蝶花紫薯奶凍
首先個色再加上玫瑰形狀本身就非常吸睛，裡面嘅紫薯係真材實料嘅紫薯蓉而唔係磨粉，紫薯嘅口感加上淡淡嘅花香，而且重點：唔會過甜，食多幾舊都誤會膩呀，味道非常清新及獨特！
3. S’more Dip in your Heart
呢個係呢度嘅招牌菜，之前情人節都有出過，講真呢個甜點自己整絕對唔難，只不過係用餅乾撩起個棉花糖。而個棉花糖下面有啲巧克力醬，花生醬，可可脆片咁，再加棉花糖喺上面再拿去焗。但係食完真係有種甜蜜嘅味道，你地得閒都可以喺屋企試下自製。
4. 紫薯曲奇
呢個紫薯曲奇同樣係有驚喜，脆口得嚟又不失紫薯味！
5. 紫薯藍蝶花芝士批 / 6. 紫薯藍蝶花芝士撻（酥皮）
其實芝士批同個芝士撻唔同嘅地方就係個撻係Light 啲而個批係有口感啲，你會Feel 到有啲QQ嘅感覺，而撻就顯得有啲普通。
7. 最後就係三文魚三文治同個藍蝶花飲料
三文魚三文治：並不是難食，只是比起其他菜色有點普通。
藍蝶花飲料：因為佢個顏色好靚，所以對佢滿懷期望，但係飲落就無咩花味，就係一個Vanilla Drink。
總括：環境清幽，食物可以媲美酒店，最重要係老闆對食物非常有心，服務非常周到，我個人覺得非常值得推介。
抵食指數：4粒星
點Tea Set 送日月杯，裡面放到一年多都唔會謝嘅玫瑰深得我心呀
希望大家鍾意我今次嘅分享啦，我地下次再見喇！
啊......差啲漏咗 Cafe Bauhinia下期主題花係.....櫻花呀！
呢個紫薯曲奇同樣係有驚喜，脆口得嚟又不失紫薯味！
5. 紫薯藍蝶花芝士批 / 6. 紫薯藍蝶花芝士撻（酥皮）
其實芝士批同個芝士撻唔同嘅地方就係個撻係Light 啲而個批係有口感啲，你會Feel 到有啲QQ嘅感覺，而撻就顯得有啲普通。
7. 最後就係三文魚三文治同個藍蝶花飲料
三文魚三文治：並不是難食，只是比起其他菜色有點普通。
藍蝶花飲料：因為佢個顏色好靚，所以對佢滿懷期望，但係飲落就無咩花味，就係一個Vanilla Drink。
總括：環境清幽，食物可以媲美酒店，最重要係老闆對食物非常有心，服務非常周到，我個人覺得非常值得推介。
抵食指數：4粒星
點Tea Set 送日月杯，裡面放到一年多都唔會謝嘅玫瑰深得我心呀
希望大家鍾意我今次嘅分享啦，我地下次再見喇！
啊......差啲漏咗 Cafe Bauhinia下期主題花係.....櫻花呀！