入手英國潮牌做潮人

之前要買英國潮牌Topshop嘅衫，只能上網訂，不過上年佢正式登陸香港，可以試身試到啱先買，唔使靠估啦。想當日，中環旗艦店開張時排晒長龍，就好似當初H&M開張一樣。咁啱，佢開正喺H&M斜對面，擺明搶客乎？今年，Topshop引人男裝Topman，仲搵咗周柏豪同謝婷婷兩位型人分別做兩條Line嘅代言人。

周柏豪同謝婷婷兩位型人做代言人。

Topman金鐘店剛剛喺7月10號開張，匯豐就即刻做優惠，Timing真係啱啱好。去兩間分店買嘢都有滿$950就有9折，仲可以抽獎，有機會嬴$5,000Topshop購物信用額、雙人來回倫敦機票或Topman Design時裝表演入場券兩張。雖然折扣唔多，掃多幾件當一件免費囉。