免費酒店、免費雜誌、免費保險-有信用卡咩都免費

免費酒店、免費雜誌、免費保險-有信用卡咩都免費

相關信用卡:

免費酒店、免費雜誌、免費保險-有信用卡咩都免費

發表日期: 2015 年 06 月 16 日 更新日期: 2015 年 06 月 16 日 旅遊

作者:無定向

依排大家都去晒飛啦,我無定向都唔執輸,飛去熱帶小島輕鬆下。


DBS信用卡免費送酒店
DBS係早排做緊個簽滿$20,000送anantara三日兩夜酒店嘅迎新 (依家已經冇咗啦,可能遲下又會再出) 咁因為我實在太遲先book酒店啦,anantara果邊冇晒房,最後offer咗佢地合作嘅酒店比我,果間係蘇梅嘅叫做Prana Hotels & Resorts。


Prana Hotels & Resorts。

蘇梅Prana Hotels & Resorts
依家酒店老實講真係唔錯,雖然係最基本嘅Deluxe Room,但係佢地比咗地下嘅房我,一開門就已經係成個泳池,感覺真係好度假Feel。而且DBS個Package係包接送服務,因為蘇梅坐的士真係好貴,但係除咗租車外,的士係唯一邊度都去到嘅交通公具,所以的士司機開價都好高,免費接送已經又慳咗成$400交通費。




房間示範圖。


我間房嘅實際環境。

另外個免費早餐都好正,係個天台戶外用餐,一望出去就係個海,加上近機場,超近距離望住飛機升降好有啟德機場個Feel。
而且間酒店都好新,有gym room,有business centre,員工又十分不錯,整體黎講雖然比anantara自家酒店係底一個level,不過完全係可以享受到完美假期嘅resort.


天台用餐環境。


精美早餐。

雖然依家DBS個Black Card迎新嚴重縮水,由三日免費酒店變做5日旅行保險,不過我相信DBS遲啲點都會又有返酒店做迎新禮物,所以建議大家都可以等一等,到時攞返間免費房去旅行,依三日兩夜嘅房價都已經起碼幾千蚊啦,5日保險最多幾百蚊,完全冇得比。不過下次做返依個promo各位都係快手申請,快手簽夠數,快手打電話book定房,如果唔係熱門日子好快就比人book晒㗎啦。

機場攞雜誌
DBS Black Card 另一特點就係可以出發嗰日過咗海關後係禁區嘅Page One免費換領報章/雜誌一份 ($15或以下,多咗另外補錢) 我發現有D雜誌竟然有機場版,以 Men’s Uno 為例,係外面賣成$40,但係機場平咗成一半賣$20,最後補多$5就可以係飛機消磨時間。


機場版特價雜誌。

除左DBS外,渣打嘅銀聯雙幣白金信用卡都有同樣優惠。不過唔係Page One,而係RELAY經緯書店,同埋唔係免費,叫做象徵式嘅俾$1換$15免費換領報章/雜誌一份,同樣都係多咗可以補錢 (至6月30日)。
DBS再加渣打雙拼,變相係機場我已經用左$1換咗2本雜誌啦,喺飛機都唔會悶啦!


旅行保險
去旅行就當然唔少得要買保險啦,不過我就唔駛俾錢買保險啦。因為我用咗AE嘅國泰航空尊尚信用卡俾旅行嘅錢,所以已經自動包咗啦,咁樣又慳咗幾百蚊,如果係去長線十幾日嘅慳得仲多啦。不過提提大家,保險要選擇合適自己嘅,免費嘅當然好啦,但如果份保險有啲嘢唔包,但你又覺得容易賴嘢,咁穩陣起見就另外買多份啦。例如玩高危活動呀,熱氣球,電話,電腦掉落水,依啲最易中招嘅嘢反而係免費保險唔包,所以各位務必要小心選擇呀。