【免費套現】滙豐信用卡 0成本套現4萬蚊Free Cash Flow教學

自從信用卡打開咗免費套現大門，好多銀行都開始跟隨，推出唔同嘅Free Cash Flow優惠。今次輪到滙豐，只要你有滙豐信用卡，就可以免費做一次提款，最多4萬蚊！睇落唔多，不過呢啲係0成本嘢，免費送要唔要就睇你自己喇！

滙豐信用卡高達100%現金貸款手續費簽賬回贈詳情

如果你係滙豐信用卡用戶，你揸住張滙豐信用卡去櫃員機，係可以隨時做現金套現嘅，唔需要申請，佢會扣你信用額，你要下個月（最長56日，視乎你張卡幾時截數）找返卡數，否則就會開始計利息。

滙豐叫呢種現金套現做「現金貸款」，平時會收1%手續費。滙豐最近做緊優惠，即日至2023年5月31日，現金貸款有100%手續費回贈，最高回HK$400。計返即是免手續費最多套現$400/1% = HK$40,000！即是你可以有4萬蚊free cash出去做1個月定期／活期賺息，而且係免費，0成本（當然你要記得找卡數）！

優惠備註：

優惠只適用全新現金貸款客戶，全新現金貸款客戶指於2022年5月1日至2023年1月16日期間（以現金貸款交易日期為準）未曾以任何滙豐信用卡以任何方式使用現金貸款服務提取現金的客戶。
須受信用卡條款及有關條款和細則約束。
每次信用卡現金貸款均需於交易時收取一次性費用，包括現金貸款額的1%手續費，並設最低收費（港幣信用卡於櫃員機提取現金最低收費為港幣100元）。
若持卡人於當期月結單到期繳款日或之前未能全數繳付該結單結欠（包括該現金貸款交易），所有結欠將於該月結單截數日翌日起計算財務費用，直至繳付全部結欠為止。現金貸款之實際年利率（此年利率已包括現金貸款費及手續費在內）為35.94%。
有關現金貸款費用及財務費用詳情請參閱「滙豐財富管理及個人銀行業務服務費用簡介」。滙豐保留不時調整財務費用及其他收費之權利。