儲里數切勿忘記 -- 八達通自動增值

好多人簽卡買野終極目標都係為左儲里數，儲得里數就梗係要去到最盡，務求以最少簽帳賺到最多里數，但有時好易忽略左D細數目, 八達通係其一。
打工仔一個月搭幾百蚊車，再加買下野飲， 快餐店食餐飯,都係用八達通俾。
如果呢D錢洗左，但冇里數賺，咪好蝕？！
一個人一個月八達通總消費=搭車+快餐店或其他接受八達通餐廳+便利店或超級市場購物
每個人消費模式不同，不能一概而論，以我本人計， 一個月千二三蚊倒，八達通自動增值最多見過$6一里, 即係一個月講緊200里, 仲未計你幫埋老婆, 父母， 仔女做埋自動增值, 條數真係唔少架，以下就介紹幾張適合做八達通自動增值的卡

https://www.hongkongcard.com/bank_welcome_show.php?id=0808
交通銀行銀聯雙幣鑽石卡

大家一望，可能覺得$12一里，好閒姐，但由於佢每次簽帳過$300可享雙倍積分，即是如果增值額選擇$500而非$250的話, 就可以做到$6一里，但唔見卡又發現唔切， CUT唔切的話， 損失係會大D，要閣下衡量下自己唔見卡的機會喇！

https://www.hongkongcard.com/bank_welcome_show.php?id=0648
富邦Titanium萬事達卡

玩得儲里數冇呢張卡就真不如唔好玩， 用黎繳費真係一流！
入番正題, 呢張卡雖然$12一里好似比較少， 但富邦而家做緊推廣， 每多一個人申請做八達通自動增值可獲5000積分， 最多四個人
即係如果你一家四口一齊申請, 就可有20000積分， 換到1666里架
另外唔係個個人都鍾意有咁多張卡咁多張卡要找， 既然已有呢張卡，咪可集中用呢張, 無謂再申請。

https://www.hongkongcard.com/bank_welcome_show.php?id=1003
東亞銀行Flyer World萬事達卡

https://www.hongkongcard.com/bank_welcome_show.php?id=0466
上海商業銀行Titanium MasterCard

呢兩張都係$8里， 冇限制， 幾時增增幾多都係$8一里，東亞卡兌換里數就唔洗手續費， 分數年期又長D， 但而家暫時未接受申請，我打去問過，姐姐話預十月頭會再接受申請，大家記住留意！

其實係仲有其他卡做自動增值再抵D， 但入息要求太高喇，我睇都唔夠膽睇，所以都係介紹番D大眾化信用卡俾大家用！