健身醫肚一take過 觀塘健康新食點

作為打工仔，最關心嘅除咗出糧放假之外，每日嘅重點當然係「Lunch食咩好」，要知道食飽飽，先有精神同力氣捱埋個下晝。雖然成日都好想喺lunch食好西，不過返office就會明，喺日坐夜坐嘅加持底下，個肚腩都隨住工作年資越來越大。晏晝嗰餐想食好西，亦都同時想食得健康啲，近來發現觀塘新開咗間餐廳，見個名係「Percent Kitchen & Fitness」，好似好健康咁，今次就一於上去睇吓係乜來頭！

上到去，發現原來佢係一個集gym同埋餐廳於一身嘅地方，做完gym後可以去隔離補充能量，的確係一個唔錯嘅主意！我哋呢啲上班族lunchtime過來淨係食個lunch就算喇～如果lunchtime耐啲嘅朋友都可以考慮吓晏晝過來做運動，其實夜晚過來做運動順便食飯都得！

▲有拳擊訓練嘅班，可以見到設備都幾多㗎！

▲有練帶氧嘅機器

午飯時間過來人唔算多，環境都舒適。佢喺運動空間隔離房就係餐廳，雖然近，但兩邊各自成一角，唔會打擾到大家。

▲環境都唔錯㗎，坐得幾舒服。

我哋睇吓餐牌先，lunch set 有分做light同regular。Light 嗰邊每一個餐都計好晒卡路里、蛋白質，對於注重健康嘅人嚟講，呢樣嘢真係好貼心啊！而且Light嘅Lunch set 可以加樓下嘅配料，啲配料同樣計好晒脂肪同卡路里。

 

▲會列晒卡路里、脂肪、蛋白質出來，等你計算一日吸收嘅熱量時更有預算。

▲Regular餐就冇計卡路里了。

今次就叫咗一個C餐香蒜白酒甜椒幼意粉加龍利柳同埋一個D餐雜菜蕃茄醬焗長通粉加蜆肉試吓。餐飲就要咗黑醋栗果茶同埋高纖水果茶(熱)。
 

▲南瓜湯

首先來嘅係餐湯，今日嘅餐湯係南瓜湯，飲得出滿滿嘅南瓜茸，唔鹹，飲得出冇重口落調味料。

▲雜菜蕃茄醬焗長通粉加蜆肉

▲雜菜多多到係咁索索聲。

然後就到主菜，先講雜菜蕃茄醬焗長通粉加蜆肉，一拮落去...哇！好多雜菜呀，一路食都keep住「索索」聲。蕃茄味夠濃，而且成碟通粉感覺唔油膩，食完隻碟都唔多油啊！除咗好多雜菜，仲加入咗紅腰豆，紅腰豆係一種好有營養嘅豆類啊！

▲香蒜白酒甜椒幼意粉加龍利柳
 

呢個係香蒜白酒甜椒幼意粉加龍利柳，初頭以為龍利柳會原件上，原來佢會完美融合落碟意粉度。食落都係唔油膩，不過就好大陣蒜味。都合理嘅，白酒香蒜嘛，不過上面個雜菜蕃茄醬焗長通粉都有幾重陣蒜味。嘢食來講，我會講得係走健康風，唔會重口味或者油膩，啱晒注意健康嘅人。

 

▲高纖水果茶(熱)

到講嘢飲，呢杯高纖水果茶(熱)真係好多水果喺底，不過切晒粒我都分唔到佢係咩生果喇。飲落去其實都冇咩甜味，有淡淡嘅生果味咁。

▲黑醋栗果茶
而呢杯黑醋栗果茶相對水果茶會甜啲，飲落個感覺好似黑加侖子啫喱嘅味，我就一般般呢隻味。

講到嘢飲仲有蛋白質飲品，適合做完運動去飲啊～

除咗lunch set，佢仲有私房晚餐，我仲發現星期五有半自助餐食，喺附近返工嘅朋友可以諗諗佢。

講番佢個gym先，唔好誤會可以鍾意自己走去踩2步單車又食嘢咁啊，其實個gym都係預番俾團體班用，有拉筋有功能性訓練。一聽到拉筋，大家可能都擔心個價錢，問咗大約都係百幾元一堂，都唔算貴啊！如果唔鍾意團體班嘅話，都有一對一專人教練課程。
 

總括來講，我會覺得呢度適合關注健康嘅人士，如果晏晝避唔開一定要出去食飯而又想食健康啲嘅話，呢度的確係個唔錯嘅選擇！或者喺附近返工嘅朋友想放工做吓運動，都可以考慮吓啊！

想抵上加抵，由2016年7月15日至9月14日，憑渣打/MANHATTAN信用卡於本地，海外零售簽賬及網上簽賬滿指定金額，當中全港食肆簽賬可享回贈：

累積任何合資格簽賬(該階段)：HK$20,000 或以上
當中合資格本地食肆簽賬之現金回贈#比率：18%
最高現金回贈(該階段)：HK$480
最高現金回贈(整個推廣期)：HK$960

累積任何合資格簽賬(該階段)：HK$10,000-$19,999
當中合資格本地食肆簽賬之現金回贈#比率：8%
最高現金回贈(該階段)：HK$240
最高現金回贈(整個推廣期)：HK$480

累積任何合資格簽賬(該階段)：HK$5,000-$9,999
當中合資格本地食肆簽賬之現金回贈#比率：8%
最高現金回贈(該階段)：HK$120
最高現金回贈(整個推廣期)：HK$240

推廣期
階段1：2016年7月15日至8月14日
階段2：2016年8月15日至9月14日

信用卡優惠詳情可以去番〈呢度〉睇。