健康又足料！荃灣超清新水果茶+木糠布甸華田

每到夏天，台式飲品例如珍珠奶茶愛玉冰乜乜乜一定走唔甩，但飲得多都會驚卡路里同糖分過高，所以最近見荃灣新開呢間粉紅貨櫃店「Cup of…」主打健康足料的水果茶，當然要即刻試試佢！

呢杯鎮店之寶「綜合水果茶」，每杯有至少8款水果，包括西瓜、士多啤梨、檸檬、菠蘿、蘋果、檸檬、柑桔等等，感覺就好似飲緊detox咁。小編買嘅係綠茶底，啜咗第一啖之後已經欲罷不能！

首先水果夠足料，入口果香真心fresh！雖然甜，但唔係加糖果種甜，而係天然水果同茶味。加上小編本身係水果控，真心大推呢杯水果茶！

唔鍾意綠茶的話其實仲可選擇炭燒烏龍或紅茶，但還是建議綠茶，因為綠茶未經化酵，可以保存較多抗氧化物。size方面可以選擇500cc、700cc或巨Size 1,000cc，分別為$35、$38以及$45，以一個正常女仔嚟講，其實500cc已經足夠有餘，如果同人share當然就飲1000cc最抵~

另外仲會附送梅粉，大家飲完後可以學台灣人喺水果上灑梅粉再食，酸酸甜甜的水果更易入口！另外，小編仲試咗呢杯「木糠布甸華田」，味道同樣超讚！

呢杯由店主獨家發明的木糠布甸華田，面層明明鋪滿奶油，飲落卻甜而不膩，華田味好出，仲好有層次感！

小編飲時並無拌勻，味道已經剛剛好，啜吓啜吓仲會食到餅碎，超好味~其實如果肚有位的話，仲想試埋其他：

好似都好吸引啊!!

地點：荃灣昌泰街5號富榮大廈地下1號舖
時間：12pm-12am