做冬聖誕大茶飯(二)

上次寫完果篇(一)，Friend打黎鬧鬼我9X折就咪講啦……直情係睇完剩係想回句「講呢啲」果隻。Lady C.我當然都唔滿意折咁少，但我必須重申，係冇時間冇地點限定(好似係)既情況下，節日食飯有得平返少少算係咁架啦~~

東亞簽賬雙重賞 x 普天同吃9X

先講雙重賞先，簡單少少黎講就係12月1日至12月31日(第2階段)係指定類別簽滿$3,000，就可以有3%現金回贈；夠$6,001就6%回贈。指定類別係包括超級市場、本地食肆同海外簽賬，累計。都係果句，做冬食一席條數都過$3,000，當係$4,000咁計，就平$120。再加埋食聖誕大餐、去百貨公司買聖誕禮物、去超市買日常用品……要到$6,001累積指定類別賺6%現金回贈……其實唔難丫。


至於普天同吃，Lady C.我睇過條款，冇話唔可以同普天同吃9X一齊玩。不過事先聲明先，普天同吃係聖誕推廣，12月24同25日限定。去任何一間食肆簽滿$500，唔須要登記即享9X獎分(無論係咩卡卡主)。成個推廣期最多可以得25,000獎分(250獎分約等於 $1)。

安信周圍食勁賺10倍現金回贈

認真，Lady C.覺得安信呢個推廣易玩又方便計數！每簽$150就有$1回贈，推廣期間將呢個回贈數乘10倍，仲唔需要登記，好方便！即係話如果食一餐$4,000，就回返$266。不過值得留意一點係呢個推廣回贈上限係$500，即係話即使推廣期內(至2月23日)食飯碌卡碌超過$7,500都好，除左基本果1倍，都冇額外回贈可得。

最後最後，其他推廣如AEON、大新就唔細講喇(懶)，希望大家都可以邊食邊賺~節日快樂！