信用卡還款假期 可能要收息
信用卡還款假期 可能要收息
相關信用卡:

信用卡還款假期 可能要收息

發表日期: 2014 年 11 月 19 日 更新日期: 2014 年 11 月 19 日 生活
作者:Lady C.

有啲銀行嘅分期貸款會有「還款假期」優惠,可以遲還一期錢,順延一期。而恆生今年年中開始,對信用卡特選客戶推出「還款假期」優惠,今個月唔使找卡數住,到下個月兩期一齊交,喺HongKongCard.com討論區入面亦有會員收到。不過呢個「優惠」,係咪真係咁著數呢?


月結單到期日會寫住還款假期。(圖片經由網主徵得會員CTB同意轉載)

對於每期準時還卡數,又冇經濟壓力嘅人嚟講,呢個優惠其實可有可冇,反正簽咗卡就預咗要還,遲同早都一樣要還㗎啦。但對於咁啱手緊,例如收入唔穩定,又或者突然有額外支出需要周轉嘅人,就可以鬆動少少。不過,下一期要兩期數一齊還,其實壓力仲大咗 (除非你下個月完全唔簽卡啦)。

上網Search過有關還款假期嘅資料,發現有人話會照收利息,有人話唔收任何費用,有兩個唔同版本。於是我打去CS問,CS話呢個「還款假期」的確係有兩種,一種係遲還款手續費同利息全免,一種係照計利息,只係唔收遲還款手續費。所以若然收到信話有還款假期,就要睇清楚T&C,到底自己係中咗邊隻,唔清楚或有疑問真係要打上CS Check下,免得蝕息。

還款假期說明都會印喺月結單上。 (鳴謝會員CTB提供圖片)