信用卡辦年貨攻略 蔘茸海味優惠大搜羅

信用卡辦年貨攻略 蔘茸海味優惠大搜羅

相關信用卡:

信用卡辦年貨攻略 蔘茸海味優惠大搜羅

發表日期: 2017 年 01 月 22 日 更新日期: 2017 年 01 月 22 日 購物

作者:甦師父

農曆新年快到喇,有時間辦咗年貨嘅一早辦咗啦,但你估香港個個人咁得閒咩?老細唔使你放假24小時on call都好好啦,遇上放假有約,真係未必得閒辦年貨。有時候辦完年貨返屋企,又可能發現買漏或者買唔夠,都幾煩。不過以上都唔係大問題,事關好多銀行都同緊大型連鎖參茸海味店合作搞優惠,辦年貨有折頭,而且唔少優惠做到2月幾或更耐,就算過年後想話煮啲鮑參翅肚招呼親朋戚友,優惠都仲cover到。

富邦 X 大棧

要話喺眾多優惠下邊間蔘茸海味店最抵買,就好難講,因為抵唔抵唔係齋睇價錢就得,仲要講產品嘅質素。但係要話折頭做得較多嘅,就數富邦同大棧做嘅優惠,除咗佢哋個套裝優惠折頭唔錯(64折至77折)外,買罐頭鮑魚、片參同花姑都有明顯價格優惠,仲同時賺埋2X信用卡積用添!

交行 X 多家商戶

要數優惠cover較多商戶嘅信用卡,就要數交通銀行了。呢間銀行信用卡嘅優惠覆蓋余仁生、盞記、燕之家、官燕棧、老行家、大棧、南北行同位元堂等商戶,但係優惠由8折至95折不等,仲要係限於某部分正價或新價產品,唔算話真係好吸引。

中銀

中銀嘅自家海味優惠就冇話同邊間商戶合作,佢哋聲稱低至79折嘅優惠產品冇話係咩牌子,只係話,客人如想購買,可以去旺角同灣仔信用卡會員服務部睇過先選購,所以大家買前要睇清楚佢哋啲貨靚唔靚先好買。除咗用中銀卡有折,仲可以用每250簽賬積分相等於$1嘅即時現金折扣買有關產品。

大新 X 大棧&恒昌隆

至於大新卡,喺大棧同恒昌隆都有優惠,其中可以喺大棧用優惠價買「大新賀年美味套裝」同「大新賀年氣派套裝」,但推廣期只係去到1月27日年三十晚,要買就趁手喇。另外用大新卡喺恒昌隆買燕窩參茸產品及保健產品系列正價貨品有88折,買滿$1,500仲可獲贈下列其中一款產品:燕窩蟲草養陰寶(100克)、千金養顏丸、仙方御龍丸或人參歸脾丸。呢個優惠較長,去到2月28日。萬事達、Visa同銀聯雙幣卡都可享有上述兩個優惠。