信用卡與家用

自小，家庭教育已經告訴我將來出社會做事時候，要俾家用，長大了就視之為合理。但想深一層，如果屋企沒有經濟負擔，是不是一樣要俾家用呢?身邊有一個例子是這樣的，朋友是一個好顧家的人，自出來做事，比50%人工做家用，無乜錢剩。加上要拍拖，自己開支等，實在好辛苦。

所以慢慢，他就開始用多了信用卡現金透支，但最多都是一，二千。亦都是這個原因，他成了月光族。現在，他想計劃結婚，買樓，但根本是好難儲蓄，所有計劃，都好似好難實行。而且家人又常說，依家物價日日升，是時候加家用了，又說為什麼不結婚，成30幾歲人，仲不結婚等等說話，結果我從來不見他面上有笑容。

最近，他跟我說，可不可以同銀行要求加大信用額，等佢手頭可以多些錢周轉。銀行見你收入 ok，又準時還錢，當然沒有問題。

但想深一層，如果可以俾少些家用，這一，二千的現金透支是否可以省回呢? 希望上一代，考慮下一代的難處。