玩信用卡／開戶口到極致，係可以唔需要成本，只用時間，都可以賺到錢！今次呢個攻略係特別針對唔太熟信用卡/戶口嘅朋友（熟嘅當然有更多複雜門路），用step by step形式，教你點樣唔需要付出1分錢，賺到高達$5,680嘅現金回贈同禮券！當然，有啲都需要條件，例如年薪、信貸評級要夠。同埋，需要紀律去理財，例如刷電子錢包都要記得準時找卡數。你準備好一齊賺免費錢的話，我哋就開始喇！
0成本信用卡賺錢基本概念
話明係信用卡賺錢，首先你需要申請信用卡。信用卡回贈主要分4樣：迎新獎賞、信用卡優惠、基本回贈，同埋HongKongCard額外獎賞。迎新、信用卡優惠可以賺好多，但基本上都需要簽賬，所以除例外情況，並不在本篇討論之列。基本回贈都係要簽賬，但刷電子錢包的話就可以好好利用，因為可以100%回水。而最筍一定係HongKongCard額外獎賞，無論信用卡還是戶口，只要成功申請，同埋係新客，就一定攞到，無需簽賬。
信用卡成功申請與新客定義
嚟到呢度你可能會問，咩叫成功申請，同埋咩係新客？成功申請好簡單，即是銀行批咗卡畀你，而你又合符額外獎賞嘅資格。而資格就係新客，每張信用卡嘅新客定義都有啲唔同，通常係某段時間（冷河期）內冇擁有過該銀行嘅任何信用卡，當中美國運通又特別啲，佢係逐張卡計的，你只要12個月內冇擁有過該張信用卡，就已經係新客。
| 信用卡 | 新客定義 |
| 美國運通Blue Cash信用卡 | 發卡日起計過去12個月內沒有美國運通Blue Cash信用卡 |
| 渣打Smart信用卡 |
發卡日起計過去6個月內沒有渣打信用卡 |
| DBS Live Fresh 信用卡 |
發卡日起計過去12個月內沒有DBS信用卡 |
| Citi八達通白金卡 | 發卡日起計過去12個月內沒有Citibank信用卡 |
| EarnMORE銀聯卡 | 發卡日起計過去6個月內沒有安信信用卡 |
| 大新ONE+白金卡 | 發卡日起計過去12個月內沒有大新信用卡 |
0成本賺錢信用卡/戶口列表
下一步就係選擇信用卡，呢部分我哋已經代勞，以下列表你揀冇該銀行嘅信用卡嚟申請就得（美國運通信用卡、東亞信用卡、恒生信用卡係例外，只要你冇該張信用卡都可以申請），意思係，舉例，如果你已經有DBS Black World Mastercard，咁樣你而家申請相同銀行嘅DBS Live Fresh 信用卡，係唔會有額外獎賞同埋迎新，對於你用嚟0成本賺錢唔係最大幫助（但當然都歡迎你申請）。留意現時經HongKongCard成功申請東亞銀行3張信用卡可以攞晒3個額外獎賞（即是總共$1,200），恒生信用卡都係，同時申請enJoy卡同MPOWER可以攞到$900獎賞。
|
信用卡／戶口 |
HongKongCard |
免簽賬獎賞 |
|
$200 超市禮劵 |
$100 FPS獎賞 |
|
|
$100 HKTVmall |
- | |
|
$500 Apple Gift Card （優惠期至2021年10月15日） |
10000 綁定yuu |
|
|
$400 超市禮劵 或 |
- | |
|
$400 超市禮劵 或 |
- | |
|
$400 超市禮劵 或 |
- | |
|
$350 超市禮劵 或 |
- | |
|
$200 一田現金券 或 |
$100 App申請優惠 |
|
|
$200 HKTVmall |
$100 App申請優惠 |
|
|
$350 超市禮券 |
$100 登記網上理財 |
|
|
$200 超市禮券 |
$300 網上申請優惠 |
|
|
$300 超市禮券 |
$230 免費戲飛 |
|
|
$200 超市禮券 |
- | |
|
$200 超市禮券 |
- | |
|
合共可賺 |
$4,000 獎賞 |
$980 獎賞 |
|
|
總值 $4,980！ |
|
0成本信用卡賺錢 詳細流程
揀好1張或多張信用卡/戶口後，以下就係賺錢嘅流程：
1. 經HongKongCard申請指定信用卡／戶口
第一步就係申請你屬意嘅信用卡/戶口，申請信用卡係全網上填表的，但你通常都需要準備定身份證、住址證明、收入證明。有啲銀行如果你用佢出糧或者可以免收入證明，但間間唔同，唔免都唔奇。留意番唔係你達到年薪要求銀行就一定會批信用卡畀你，仲有好多因素的，例如信貸評級，或者資料交得齊唔齊等等。請一定要點擊上表各信用卡/戶口嘅申請連結去申請，否則銀行唔知你係經HongKongCard申請，咁我哋都派唔到額外獎賞畀你。同埋記得 1. 唔好用你公司嘅電腦申請，以免某些公司網絡block咗連結追蹤；2. 唔好用無痕模式瀏覽；3. 申請過程中請關掉AdBlocker；4. 申請過程中唔好按任何廣告或瀏覽其他網頁。否則銀行唔能夠確認係經HongKongCard申請，都有機會失去領取額外獎賞嘅資格，一切以銀行提供嘅申請記錄為準。
2. 賺取HongKongCard額外獎賞
HongKongCard額外獎賞非常豐富，如果你唔做其他嘢，只申請晒上面個表裡面嘅信用卡，已經可以賺到$4,700獎賞！要賺取HongKongCard額外獎賞並不複雜，首先信用卡/戶口申請完，通常都會有個「信用卡申請參考編號」，記低佢，然後於申請信用卡後7日內去填我哋嘅「額外獎賞換領表格」，記得每張信用卡都要填。填完後我哋會交畀銀行核實，只要合符資格，我哋就會派出獎賞。而整個過程，由你填表當日開始，約需90-120日。每個信用卡/戶口申請連結內都有HongKongCard額外獎賞領取詳情，睇清楚跟住做就實冇錯！
關於HongKongCard額外獎賞嘅流程，請參考我哋另一篇非常詳盡嘅教學。
3. 刷電子錢包
刷電子錢包比較花時間，簡單講即是你用信用卡增值電子錢包，產生簽賬，贈取有限額嘅回贈（每張信用卡回贈率不同），然後再從電子錢包套回現金，去找呢筆卡數。只要準時還款同埋唔超出限額，呢個過程係完全冇收費的。我哋要做嘅就係，選擇適合嘅信用卡，綁定去電子錢包，然後每個月有紀律咁樣增值、入番落銀行戶口、找卡數。另外，Citibank嘅信用卡係比較特別，因為佢某啲信用卡，係可以用刷電子錢包方式去刷滿迎新獎賞，所以如果今次你有申請Citi八達通白金卡，你應該優先用佢刷迎新。意思即是，Citi八達通白金卡迎新係頭兩個月簽$10,000，有$1,000現金回贈，所以你應該分兩個月，優先用Citi八達通白金卡，刷夠$10,000，等同免費賺呢$1,000現金回贈。
以下係4個電子錢包每月免費增值限額，同埋個別嘅詳細教學：
| 電子錢包 | 每月免費增值限額 （需認證） |
詳細教學連結 |
| PayMe | HK$1,000 | PayMe教學 |
| AliPayHK | HK$1,000* | AliPayHK教學 |
| Wechat Pay | HK$1,000 | Wechat Pay教學 |
| 八達通銀包 | HK$3,000 | O!epay教學 |
**由2021年6月1日起，AliPayHK的信用卡轉賬每月免手續費轉賬限額將有所調整：未認證用戶的免手續費限額為HKD 500；中級認證為HKD 1,000；高級認證為HKD 1,000。如超出免手續費限額，中銀信用卡手續費設1.5%，其他信用卡設3%；信用卡轉賬與派利是功能的免手續費限額將一併計算。
由於Citi八達通白金卡迎新有$1,000現金回贈，而且電子錢包都可以刷迎新，所以建議一定要申請呢張然後頭兩個月用佢刷夠$10,000，食晒個迎新佢！張卡仲可以攞去搭車，好抵！食完迎新之後，電子錢包都可以繼續刷，八達通銀包建議用EarnMORE銀聯卡刷，有2%，其他3個就可以用大新ONE+白金卡，有1%。
長氣都要提多句，記得！記得！記得！準時還卡數！唔係就會蝕番轉頭，刷得咁辛苦最後蝕錢不如唔好刷。
4. 注意信用卡年費
信用卡其中一個成本係年費，年費唔難處理，可以揀免年費嘅信用卡、可以打電話去waive，或者唔畀waive的話，可以一年後直接Cut卡。如果選擇Cut卡，就要留意埋冷河期，過完冷河之後就可以重新申請再賺迎新同HongKongCard額外回贈。但無論點處理都好，記得睇月結單，check清楚究竟有冇收到你年費。