你不知道的航空公司秘密 ...(二)

你不知道的航空公司秘密 ...(二)

相關信用卡:

你不知道的航空公司秘密 ...(二)

發表日期: 2014 年 10 月 07 日 更新日期: 2014 年 10 月 07 日 生活

作者:合皮

看見有讀者願意花時間並打了一段英文留言給我......很開心有人閱讀我的文章‧
你說得對的..某幾間大airline 的Staff Upgrade Priority 的確是高於會員。


又講下點解明明你們準時48小時前online check-in , 但係都冇位揀?? 哈哈,背後都係有幾個原因既....
1 Flight Controller Pre-seating
Flight Control (某一些公司會稱為 seat control)  ,以香港某龍頭航空公司為例子,一般都是48 小時前可以供乘客online check-in ,但是Flight Control 的同事在約55小時前已經可以在系統上看座位表,然後他們便會為沒有預先留位的尊貴會員安排前排的走廓位置,有小孩的,有嬰兒的,有特殊需要的,通通安座一起。所以,有時侯,你們即使明知自己沒有留位,但都會覺得奇怪『點解有人幫我留咗位嘅?? 』可能你同埋小朋友一齊travel 囉 ...
Flight Control Pre-seat 好所有位,你先可以online checkin ,所以你一定唔夠Fliight control 快,同埋好多靚位都留比尊貴會員了.........

2. 預先留位服務( Advance Seat Reservation , 簡稱ASR)
做ASR 有幾個條件,
a.一是你是尊貴會員 ,無論你買fanfare 又好,一百蚊機票又好,都可以同訂位部講要邊一個位。
b.買貴少少的機票,某一類的子艙 (subclass) 可以提供ASR ,但係唔係個個乘客都會享用依種福利,有些乘客就自以為網上一早check in 咪得囉,唔好煩。你試想下,個個都一早做ASR 再加上會員又多 , 到時online check in仲有得揀咩........所以下次旅行社問你留唔留位....再考慮一下『有得留,真係唔留?』
c. 識人。不解釋

ASR 會保留到起飛前一個小時才會放出來。而ASR 更會導致另一個問題 - Cap 客 ( 有機會再講.....)

3. Crewrest
這個是以香港某龍頭公司做標準。以香港為家的公司飛澳洲的航線都是以Airbus 330-300 為主,但A330 是沒有 Crew Bunk ( 即供 Crew 休息的地方) , 飛澳洲大約7hr ( CNS) 到 9hrs (MEL) , 飛咁耐,cabin crew 冇得地方抖真係好辛苦,所以就會Block 咗經濟艙靠右最後三行給他們休息,所以有時會見到拉咗簾,咁就唔好阻住人啦 ....所以如果你去澳洲又係坐香港龍頭公司,靠右最後三行係一定拎唔到的 ( H/K 行)!!! 但係依種 Crewrest 係NON-mandatory ,班機好爆都會放出來...........佢咃Cabin Crew就冇地方抖啦 ...

講得NON-mandatory , 當然仲有另一種mandatory 啦 (又係有機會再講....)

4.Block Seat
依一類比較籠統,包括有壞位唔比客坐。另一種較常見的Block seat 有bulkhead block ( 即係第一行向住牆的座位) , Flight Control 通常都會預先block 咗bulkhead ,因為那些位置多數都是有嬰兒籃 bassinet (BSCT) , Flight Control 會block 起嗰啲位以防突然間殺出一個沒有買機票的嬰兒.....(簡稱GO-show B) ...如果一早已放出所有 BSCT 位,有一個GO-Show B 出現點算好???? 冇人會咁好心讓個靚位出來呀 !!! 只好一早狠心唔比 check- in .....


下次再有機會再講更多 !!!