你不知道的航空公司秘密......
你不知道的航空公司秘密......
相關信用卡:

你不知道的航空公司秘密......

發表日期: 2014 年 10 月 03 日 更新日期: 2014 年 10 月 03 日 生活
作者:合皮


之前上網看見甚麼十大免費升艙秘笈,作為前度Flight Control 的我,Flight Control 即係邊個?即係你成日見到啲地勤人員打電話,打比唔知邊個,我們就是接電話的那些人......

我百分百肯定他一定不是航空公司職員!!完全是錯誤! 簡直是信佢一成,雙目失眼。
哈哈,而家就由我告訴你一個不知道的秘密和小技巧吧...


第一個是升艙的秘密
很多航空公司的升艙排序都是會員制度(即行內簡稱的有冇『身份』)。

1. 機會是留給有準備的人。當你預訂機票的時候,千萬要記得將你的會員號碼一併記錄,因為航班很滿時 (行內簡稱的爆機),Flight Controller 便會早早將有身份的乘客upgrade以騰出經濟座位給另外的乘客 ,不用R,不用叫,自動送給你。如果沒有預先登記,Flight Control 怎會知道你是有身份的人?請記著,就冇分儲都要入卡號呀!

2. 想upgrade ?千祈不要選淡季! 請記緊,任何的upgrade ,航空公司都是有成本的,包括商務餐...既然經濟艙有位,點解要so 比你 ?

3. 生日upgrade ?當然有可能啦,不過這種禮遇,唔係阿豬阿狗都有,只係比啲高級會員先有!

4. 遲check-in 有得upgrade ?當航班很滿時,座位只有兩種選擇,有分開的中間位或是。。。當所有有身份都upgraded 了,別無他選就選面前,只好upgrade 面前的乘客。但請記緊,你遲check-in 有風險有。
    a. 行李遲到達,香港國際機場咁大,你件行李仲要慢慢轆落地牢,仲要load 上飛機,40mins 其實真係好忟水,到時件行李唔到,真係唔好怪人。
    b. 機場狂奔,一般的航機都會在15mins前左右準備搵行李,準備offload 所有遲到的乘客,這個時刻就是與Ramp (即負責搵行李的同事) 賽跑,一旦Ramp 已找到閣下的行李,對不起,閣下很有機會上不了機的。因為避免再有delay..再load 返件行李都要時間呀 !

5. 嬰兒?小孩 ? No way!商務艙都是比較寧靜的和多生意人。商務艙的乘客才是航空公司的主要收入來源。當然,小孩/嬰兒買商務機票當然無任歡迎,但肯定不會主動升艙給他們,他們既不能主動揀坐邊一間航空公司,又可能騷擾其他乘客。航空公司只會升艙給成年人,讓他們覺得有「嘩! 好正呀,下次再搭依間航空公司先』的感覺。」

下次再有機會分享一下飛機餐的小秘密,同埋解答一下點解網上checkin 冇位選 ?