佔領一田之狂掃LINE精品碌卡攻略

佔領一田之狂掃LINE精品碌卡攻略

相關信用卡:

佔領一田之狂掃LINE精品碌卡攻略

發表日期: 2014 年 01 月 05 日 更新日期: 2014 年 01 月 05 日 購物

作者:Lady C.

嗚呀!繼一連串聖誕、新年假後,Lady C.我陣Holiday Mood仲未過點算?好彩有位沙田友On Call48小時,仲報料話我知原來沙田間一田同通訊軟件Line搞緊Promotion「冬日花園」(至1月14日,沙田一田限定)!有得同熊大、兔兔影靚相兼有獨家公仔買,即刻決定無懼人山人海之攻擊,毅然帶定張著數多多信用卡殺入戰場先係真粉絲!


今次行程必影2米高LINE得意展飾樹!

一田掃貨必備信用卡一覽:


優惠簡介:


富邦基本獎賞
除咗全年折扣之外,主要係食「月月多簽多賞」(簽賬$2,000或以上)、「累積結餘獎賞」(簽賬$2,000或以下)或「簽賬必有賞」(簽賬$600或以上),都係賺分/現金券為主,一田常客必碌啦,累下累下好快賺!要注意「簽賬必有賞」需要事先登記,呢個推廣2月28日就玩完。

銀聯優惠
逢星期六、日及公眾假期憑銀聯卡於一田百貨或一田超市消費滿指定金額就有得拎$50現金券!注意條款冇寫清楚係唔係如此類推,可能簽得多都係最多拎到$50現金券……總之,今日咪係星期日囉!有食唔食,罪大惡極呀(百貨類,簽$3,000回$50)!

匯豐6X + 最紅冬日
只要係選咗「賞品味」(*多謝昭武九姓同力仔提醒)作為喜好簽賬類別,就有6X獎賞錢!另外,之前都同大家介紹過啦(詳見呢度呢度呢度),新城市廣場都係「最紅冬日感動賞」嘅指定商戶,我睇過條款冇話唔包一田百貨嘅簽帳,唔肯定自己買唔買到超過$500都好,登記咗先算!當簽$500,抽到PLAN C再加6X,總共可得$42獎賞錢(*我本來計錯左46,再次多謝力仔!)<<另外力仔仲提醒咗我應該寫埋用匯豐銀聯卡簽就多10RC,兼賺埋一田現金券差唔多係9折架喇(簽$3,000即係回$276)

東亞簽賬雙重賞
Lady C.個人覺得難達標嘅優惠,不過如果真係簽到$3,000或以上,又冇匯豐/富邦一田卡,用東亞卡碌點都好過用現金或者其他冇優惠推廣嘅卡囉!講返優惠,簽夠$3,000都有3%現金回贈,即$90,差唔多等於一件靚靚Line精品免費!

交銀購物狂賞
雖然同銀聯優惠都係簽賬換現金券,不過有兩個分別:1.現金券金額唔同;2.銀聯係送一田現金券,交銀係送新地現金券。我覺得簽滿$1,500獎賞份禮品一般吸引啦,但簽得夠$3,000就額外再送$100券,共$130!計落95折左右啦!連埋佳節甜蜜先好玩囉!

交銀佳節甜蜜
唔知大家有冇登記啦,第一眼睇呢個優惠,簽帳要求要成$4,000咁多,點碌呀?Lady C.要強調,一田之行,主要目的同我一樣係去一掃Line精品,只要留意獎賞3,即係只要帶銀聯卡就得!簽到$1,500就額外有8,000獎分,再加返基本3,000 = 11,000分(鑽石卡 + 6,000 = 14,000分),即係簽$3,000回$56現金回贈(鑽石卡回$80)。溝埋購物狂賞,就簽$3,000回$186(鑽石卡回$210),不過可惜Lady C.我冇交銀卡,如果唔係兌返約1,166里都好,玩推廣=$2.57/里,抵過匯豐6X?!(<<如果我又計錯數,希望大家指正我啊><")

參考貨品:

兔兔同熊大散紙包$89.9/個。可惡!咁可愛,必入!


電動擺擺公仔$289/隻,買齊一套就$867!


結婚公仔$319.2/對。我冇著落都想買……點算?!




27.5吋熊大公仔,只要現場買任何LINE精品,就可以用HK$499換購。原價話成萬日圓,就算七算都要$700啦!我一定要買返隻返屋企做房門門神!