佐敦川燒 川式海鮮燒物每日新鮮直送!

佐敦川燒 川式海鮮燒物每日新鮮直送!

相關信用卡:

佐敦川燒 川式海鮮燒物每日新鮮直送!

發表日期: 2017 年 04 月 30 日 更新日期: 2017 年 04 月 30 日 飲食

作者:Salad Ho 沙律

佐敦渡船角一向係燒物店重點混戰區域,今次會去川燒食川式燒物!川燒係佐敦渡船角川式燒物熱潮始祖之一,能夠屹立於呢區咁耐一定有其個人之處。首先川燒有自家創作特別小食,例如炸芝士年糕、燒芝麻湯圓等小食,好有驚喜。

另外,川燒每日都會購入最新鮮嘅海鮮作食材,數量唔多因為宗旨係海鮮日日清,唔留隔夜貨,想食有保證、新鮮嘅川式海鮮燒物去川燒就唔會失望。

川燒裝潢主要以木為主,古色古香。旺中帶靜,最啱約埋朋友嚟傾計。


前菜:

燒一口脆腐乳 $18/份

燒豆卜一街都係,不過川燒將腐乳釀入豆卜就好特別喇。豆卜燒到外脆內軟,加上陣陣腐乳香,非常惹味!抵得一讚嘅係腐乳份量剛剛好,唔會過膩同太鹹,送酒一流。

川香麻辣豬大腸$42/份

份量頗多,店家用秘製醬汁炮製,豬大腸食落又麻又辣,好過癮!豬大腸肥瘦適中,煮得好腍,令人食唔停口。

海鮮:

燒海殼王

大條筍殼用燒嘅方法炮製先係最好食!絕對係誠意之作,因為川燒預先打開魚皮,所以好輕易就可以食到魚肉。因為用咗海鹽醃一醃再燒,所以都夠味,筍殼魚肉油份高,所以超嫩滑! 點一點秘製醬汁更開胃。


汁燒一品鮑

大約燒10分鐘,有咬口而唔韌,非常鮮甜,燒烤火候剛剛好。店家淋上秘製鮑魚汁好惹味,原來佢哋為咗令鮑魚更加入味,喺個底界咗十字。另外,仲一早將殼肉分離,令客人可以有儀態同方便咁進食,非常細心。



黃金燒大虎蝦

燒蝦味加上咸蛋黃味,好香!大大隻金黃色虎蝦,賣相好吸引。外面煮黃金蝦一向都將咸蛋黃同蝦炒埋一齊就算,但川燒好細心咁先將蝦開邊再釀入咸蛋黃,煮法好特別。


燒蘇格蘭蟶子皇

呢度嚴選嘅蟶子皇超大隻!足足有手板咁長,蟶子肉肥大肉厚,加上面頭豆豉加持,帶出鮮甜,成口蟶子肉真係超滿足!蟶子喺沙裡面生長,所以如果處理得唔好,好易會食到沙,而川燒就好有心機咁清理好晒,啲蟶子皇一粒沙都冇呢,令食客食得放心又開心。


燒珍寶大元貝

大大隻又厚又肥,加埋蟹籽食就更加鮮甜美味!川燒用自家製醬汁燒烤,好香好鮮味。而且好細心咁清理晒啲多餘嘅內臟,令人食得放心。


錫紙烤魔鬼魚

你冇估錯!正正就係主題公園游來游去嘅魔鬼魚!魔鬼魚菜式喺香港唔常見,可以喺川燒食到都幾幸運。一打開錫紙就冒出蒸氣,真係新鮮滾熱辣!魔鬼魚用蒜蓉豆豉醃住,非常惹味可口,魚肉嫩滑,魚骨粗大而且量少,所以食落好方便。

特色菜類:

燒韮菜

好少喺外面食燒韮菜,因為總係整到油淋淋。川燒嘅燒韮菜好有驚喜!一來燒得好乾身,一啲都唔油,二來食得出啲韮菜好新鮮同揀得靚,翠綠嫩口,香味濃郁。

川香肉碎燒茄子

出面處理方法通常係將茄子開邊然後燒烤,川燒比其他店更用心,將茄子皮切走,再於茄子肉上鋪上肉碎、蔥同芝麻,加上自家醬料,好有風味。

甜品:

燒芝麻湯丸

外皮烤到焦香酥脆,內裡熱辣辣嘅芝麻內餡一咬即瀉,流心而出,香濃美味,大滿足!

菠蘿雪葩

食完咁多燒物想refresh下?點菠蘿雪葩就啱喇,咁健康食多兩啖都冇罪疚感。原隻菠蘿上好有驚喜,非常Cutie!菠蘿殻內裝住主角——菠蘿雪葩,雪葩之中混入菠蘿果肉,菠蘿味重又真實,香甜好味。


只要登記成為Hongkongcard會員,入座前出示番會員界面,埋單時就可以享有全單88折優惠!仲唔快啲去試?

優惠詳情:https://www.hongkongcard.com/blogs/2044

地址:佐敦渡船角文英街17號地下
電話:2311 1230
營業時間:星期一至日18:00-02:30

限時優惠:
【經HongKongCard成功申請DBS Eminent Card享高達$1000現金獎賞及$200額外獎賞】
【經HongKongCard申請美國運通I.T Cashback卡,可額外獲贈$200禮券】
【經HongKongCard申請WeWa卡,額外享$200現金回贈】